Barko ug sinakong bugas gisakmit sa Customs
CEBU, Philippines - Bureau of Customs-Cebu nisakmit og usa ka barko diin ang sulod niini mga sinakong bugas nga giingong smuggled gikan sa nasud nga Thailand.
Miabot sa 80 mil ka sinakong smuggled rice nga nagkantidad og P160 milyones ang gikarga sa MV Mekong.
Lakip nga gisakmit ang 77 ka container vans nga adunay sulod nga 38, 500 ka smuggled rice gihapon nga nagkantidad og P77 milyones.
Matud ni Verni Enciso, ang hepe sa Customs Intelligence and Investigation-Cebu nga ang maong kargamento gikan sa nasud sa Thailand.
Gisakmit nila kini kay giingong walay importation permit gikan sa National Food Authority ang maong kargamento.
Ang barkong MV Mekong nga gikan usab sa Thailand giapil og sakmit kay mao man ang gisudlan sa smuggled rice.
Ang maong mga kargamento niadto pang buwan sa Marso naabot sa Sugbo apan bag-o lang kini nakit-an sa gihimong inventory sa CIIS-Cebu.
Ang MV Mekong anaa pa nag angkorahi sa Cebu International Port hangtud karon kay wala kini giluwatan og exit clearance sa Bureau of Customs. (BANAT NEWS)
- Latest