Showbiz couple na namasyal sa Africa hiwalay na!

Nalungkot ang friend namin na dumating mula sa ilang taong pamamalagi sa isang lugar sa Africa nang malaman niyang wala na ang hinahangaan niyang mag-sweetheart na sa kabila ng marami nilang pinagdaanang pagsubok ay nanatiling magkasama. 

What went wrong daw kaya dahil nakita pa niyang magkasama ang dalawa last year na masayang namamasyal sa isang tourist spot doon kasama ang ilan sa relatives ng guy. Wish na lamang niya na maging friends pa rin ang dalawa, kahit wala na sila ngayon.

Kris may pa-merienda sa followers

Ipinapasilip na ng Queen of All Media Kris Aquino ang ilan sa mga mapapanood natin sa kanyang special travel show na #TripNiKris sa GMA 7.

Post niya sa kanyang IG ang “#TripNiKris 10:30PM Sunday, April 9, 2017 on @gmanetwork.  To clarify, this is a 1 time, 2-hour Travel & Food exploration special with many interesting, happy people I got to interact with, and hopefully you will be entertained & inspired.”

In this connection, excited na ang followers ni Kris na mapanood ang show, lalo at matapos niyang maka-#3millionkriscelebration, pipili siya ng lucky 7 followers na makakasama niya sa inihanda ng kanyang staff na isang bonding-cum-celebration with the queen. I-follow lamang ang kanyang #KrisOnLine data base para malaman ninyo kung kayo ang isa sa  napili na sumali. 

Regine parang hindi raw tumatanda

Marami ang nagandahan nang i-post ni Asia’s Songbird Regine Velasquez-Alcasid sa kanyang Instagram account ang costume niya bilang reyna sa telefantasiyang Mulawin vs Ravena.

Hindi kasi nakadalo si Regine noong live presentation ng buong cast sa Studio 7 ng GMA Network dahil isa siya sa performers sa launch ng MegaIconic.

May nag-comment pa nga na parang hindi raw tumatanda si Regine.

Excited si Regine sa bago niyang project, kahit pa napapanood pa siya ngayon every Saturday sa Full House Tonight.

First time niya kasing gagawa ng isang telefantasiya at napapanood daw niya ang Encantadia kaya gusto naman niyang malaman kung ano ang ipakikita ng bago nilang show.

Wala pang ibinigay na date and time of airing ng Mulawin vs Ravena.

Fans may reklamo sa Encantadia

Reklamo ng mga followers ng Encantadia, bakit daw kung sino ang mababait at gusto nilang mga characters sa telefantasiya, sila naman ang isa-isang namamatay. 

Akala raw nila ay si Lira (Mikee Quintos), anak nina Amihan (Kylie Padilla) at Ybrahim (Ruru Madrid) ang magiging tagapagtanggol at magiging reyna ng Lireo, pero bakit isa rin ito sa mga namatay. 

Isa pa sa namatay si Mira (Kate Valdez) na anak naman ni Pirena (Glaiza de Castro) kaya naman magwawala nang husto ang Hara bakit pinabayaan ni Cassiopea (Solenn Heussaff) na mamatay ang anak.