2 Pinoy pa nadale ng MERS-CoV sa Saudi
MANILA, Philippines – May dalawa na namang Pinoy ang kabilang sa mga 18-20 bagong tinamaan ng nakamamatay na sakit na Middle East Respiratory Syndrome-Coronavirus (MERS-CoV) sa Saudi Arabia.
Sa ulat mula sa Ministry of Health ng Saudi nitong Marso 2, may mga bagong kaso ng MERS-Cov ang kinumpirma sa isinagawang mga pagsusuri mula Pebrero 22-28.
Ang mga pasyente umano na tinamaan ng nakamamatay na virus ay nagkaka-edad ng mula 24-91.
Wala pang kumpirmasyon mula sa Department of Foreign Affairs sa naturang ulat.
Bukod dito, isang hiwalay na ulat naman ang lumabas na tatlong Pinoy ang kabilang sa 20 bagong kaso kabilang na ang 9 Saudi national, tatlong Yemeni, dalawang Indian, isang Egyptian, isang Sudanese at isang Syrian.
Sa hiwalay na report, 18 ang kinumpirma na tinamaan ng MERS-CoV na kinabibilangan ng 13 lalaki at limang babae. Naitala ang mga bagong 12 na kaso sa Riyadh at tig-isa sa mga lugar sa Alp-Ihsa, Khobar, Jeddah, Najran, Buraida at Al-Jouf.
- Latest
