Kris mamaligya of BBQ

CEBU, Philippines — Nagmalampuson ang   negosyo  ni  Kris Bernal  nga burger  busa  gidugangan gyud niya ang iyang negosyo.  Nagpatukod ang aktres og Korean BBQ . Matud pa ni Kris nga trending kaayo ang maong klase nga kan-anan.

Piolo ug Pia magpares?

Nitumaw karon ang tsika nga matud pa magpares sa usa ka proyekto sila si Piolo Pascual ug Miss Universe 2015 Pia Wurztbach.  Suma pa ni Piolo nga nag-agad ra gyud siya sa  iyang schedule.

Nakauyon

Ganado si Coco Martin sa pag-produce og pelikula kung diin siya gihapon ang direktor  gumikan sa mga maayong feedback nga iyang nadawat sa pelikulang Ang Panday.  Nasayran nga puwerting dakoa ang nagasto sa maong pelikula.

Mikatawa lang

Gikataw-an og maayo ni Ellen Adarna ang mga tawong nagsige og saway sa relasyon nila ni John Lloyd Cruz.  Kung basehan sa ilang mga hulagway sa social media, malipayon kaayo si Ellen   sa kiliran ni Lloydie.  Apan dili gyud malikayan nga motingog gyud ang ilang bashers. “Hirap na hirap sila mag-move on,” hirit pa sa aktres.

Mobalik o dili?

Dili pa matino ni  Mark Anthony Fernandez   kung mobalik ba dayon siya  sa showbiz.   Kahinumdoman nga bag-ohay lang nakagawas si Mark  sa prisohan. Napriso ang aktor sa miaging tuig human siya nasakpan nga duna’y marijuana  ang iyang sakyanan.

Adunahan nga fans

Uso karon ang mga special screening sa nagkadaiyang pelikula.  Kasagaran niini  gibayran sa  pipila ka fans club  sa  mga artista. Gusto nila ang hamugaway nga pagtan-aw sa pelikula sa ilang mga idolo.

Ai Ai gitabangan ni Alfred

Todo pasalamat si  Ai Ai delas Alas kang Alfred Vargas gumikan kay nisuporta kini sa iyang programa alang sa pagpatukod og  simbahan sa Daang Kristong Hari. Nasayran nga supportive kaayo si Ai Ai sa mga relihiyosong programa busa mapasalamaton siya sa iyang mga higala nga nitabang kaniya. (Sanden J. Anadia)

KC engaged na!

Engaged na si KC Montero ug ang iyang  girlfriend  nga si  Stephanie Dods. Usa ka  Filipino-Kiwi model si Stephanie.  Ni-propose si  KC   niadtong Pasko samtang nibakasyon sila sa. Truckee, California, USA.

Dili paartistahon

Kung si Jericho Rosales ang pasultion,  dili siya ganahan mag-artista ang iyang anak nga si Santino.  Dili siya ganahan nga mahimong Olympian ang iyang anak. “We dealt with that when he was a very young teenager pa. Basic lang. I have a dream for him and it’s not show business. I want him to be an Olympian, sabi ko,” matud pa sa aktor.

Trending si Nash

Nag-trending gyud si  Nash Aguas sa  Twitter niadtong Martes sa gabii gumikan sa iyang hugyaw nga  performance sa  ABS-CBN series nga  “The Good Son.”  Sa maong episode, nasuta nga duna’y sakit nga  schizophrenia ang karakter ni Nash.