Banatanay: Mosaler kaha ang pagbalhin?

Sanden:  Hi mga kabanatanay, kumusta na man mo uy, sure ko nga okay kaayo mo Beshie Yuri ug Jaypee kay nag-enjoy gyud mo sa atong team building, puwerti ninyong sawom sa swimming pool. Ari ta sa atong topic karong adlawa, dili na bag-o sa mga artista nga mobalhin og laing istasyon sanglit igo ra gyud sila mag-agad sa mga maayong opurtunidad nga ilang madawat. Dili pa lang dugay, nibalhin sa GMA-7 ang aktor nga si Jason Abalos. Samtang nipasilong na usab sa AGP ni Rams David ang kanhi Kapamilya stars nga sila si Matt Evans ug Dionne Monsanto. Nasayran nga nananghid sila og tarong sa pagbiya nila sa Star Magic. Giingong duna’y koneksyon ang AGP sa Tape Incorporated nga nag-produce og pipila ka mga show sa GMA-7.

Yuri:   Aloha!,  sa  wala’y cheche bureche,  deretso ko sa  akong punto,   ang pagbalhin kay usa ka sign nga nangita og greener pasture ang mga artista. Nagkinahanglan og trabaho ang mga artista kay bisag unsa pa nila ka maayo sama ni Dionne sa ABS-CBN,  nga -nga naman iyang beauty , unsaon naman lang na nato. Ang  ABS-CBN  management , wala na nila tagai  og project,  so normal ra gyud na beshie Sanden ug Jaypee,  kay tawo ra na .  I hope pud unta nga tagaan sila og project  karon nga dili ma- frozen delight hahaha!.

Jaypee:  Olah mga kabanatay,  It’s Tuesday and it’s Banatanay day. Yes beshie Sanden, heavy gyud ang atong kalipay sa nahitabong team building sa mga reporters sa The Freeman ug Banat News. Thank you Alta  Resort diha  sa Cordova. Yes normal ra man ang  pagbalhin-balhin sa mga artista labi na if feel nila dili  na sila kapuslan sa network nga ilang giistaran.   Apan  sa tanang nibalhin karon,  naguol ko ni Dionne uy.

Wala  ko maguol sa iyang part apan naguol ko kay wa gyud nakita sa ABS-CBN ang potential ni Dionne isip artista.  Lami baya gyud ni mo-portray si Dionne isip kontrabida. Hala ha ABS. Nganung wala siya gihatagan og follow up project makaingun ko sa akong self as a person.

Sanden: Hello Jaypee Lao, wala ta kahibalo sa dagan sa panahon. Duna'y mga lig-ong abilidad sila si Jason, Matt ug Dionne, seguro dako gyud ang ilang matampo sa GMA-7.  Kalabot usab kang Dionne, iyaha seguro nang gihunahuna og maayo ang iyang desisyon, ug tan-aw nako, mahatagan siya og lig-ong proyekto sa GMA-7. Isang malaking pagkakamali sa  ABS-CBN ang wala nila pag-atiman ni Dionne.

Yuri:  Nganong maguol man ka beshie? Tungod from ABS to GMA na siya? Puwes , it’s a good move ug feeling nako daghang fans si Dionne nga motan-aw sa GMA, kawalan sa ABS ug dili kang  Dionne . Basta lang gyud naay proyekto pasok sa banga nga mabuak. Sure ko it’s a good show for Dionne and other artists , mao karun pa lang panukad namo kay manglugwa na sila sa GMA. Kever nang  bashers or fans nila nga naguol kay wala silay ikatampo noh.

Jaypee :  Ay  dah,  basta na-stress ko. Dionne  could have been a great asset to Kapamilya network if they have only seen her potential. Lami nga kontrabida si Dionne.

Laktud pagkasulti, wala’y naghuwat nga greener pasture niya sa GMA-7 kay kasagaran mobalhin sa Kapuso gikan Kapamilya, di na mosidlak og balik.  Apan kung Kapuso motabuk sa Kapamilya, magsaba saba gyud ang karera.

Sanden: Hala Tita Yurs, maldita kaayo si Kumareng Jaypee, liwat gyud na siya ni Madam Auring, mananag-an ang peg. Hoy Jaypee, ayaw pag-una una diha, bahala'g wala na si Dionne sa ABS-CBN, pero ang maayong abilidad niya sa pag-arte maoy iyang instrumento sa pagsidlak sa iyang career sa GMA-7. Ikaw sad nu, mag una una gyud ka, maypa maglata kag garaba.

Yuri:  Hoy hoy hoy Jaypee nga not so natural beauty, kay ngano nisidlak pud diay ang ubang artista from GMA-7 to ABS?.  For your info wala na sa network, kung dili imong talent.  Wala lang nakit-an sa ubang network ang  value niya , okey ibutang nato di sila mobalhin , walay show,  unya bayran gihapon sila?. Pero akoy artista dili  ko  uy, What do you think of them? Thinking of you?????

Jaypee: Wala  ko mag una una,  mga hampaslupa mong duha. Ang ako lang, napanglantawan na gyud na nako nga bisag unsa paka kamaayo, may lugar gyud nga saktu kung diin mahimo ka nga mo- shine ug mao na ang puder sa ABS-CBN. Aguy aguy aguy! Akoy na sayangan ni Dionne. Kever ko ni Jayson Abalos kay di man kaayo na strong iyang personality sa showbiz

Sanden: Paghilom na lang mong duha, husto na ang lalis kay basin  moulan na hinuon tungod sa inyong kasaba.  Ang  labing importante   karon nga makabaton sila og proyekto, siyempre namalhin na sila gumikan kay mao kana ang ilang tan-aw nga makapalapad sa ilang career busa atong respitohan ang ilang desisyon.    Mag-uban uban na pud ta mga kahigalaan sa sunod semana nga Banatanay alang sa dugang isyu nga atong pagasaw-an. Ayaw diay kalimot ugma, wala man  si  hampaslupa Jaypee,  ang   kauban natu nga reporter sa Banat News nga si Rowena “Wangwang” Capistrano  maoy makauban natu  ugma sa Banatanay Live na Live, alas 4 sa hapon sa FB page sa Banat News ug special guests nato ang pipila ka mga kandidata sa Bb. Cebu 2017.

Alang sa inyong mga komento, ipadala lang kana sa 09192422676 , ug imantala ang inyong mensahe sa “Akong Banat”  sa Kalandrakas section sa umaabot nga mga adlaw.  Butangin sa inyong pangalan ug address. (BANAT NEWS)