Maricel hukman karong gabii
CEBU, Philippines — Gipaneguro ni Maricel Soriano nga makaangkon og nindot nga role ug mao kini ang rason kung nganong karon lang siya nakabalik sa "Maalaala Mo Kaya"
Ang aktres maoy bida sa episode sa MMK karong gabii, September 23 ug dalhon niya ang role sa usa ka babaye nga nagpadako og usa ka "illegitimate child."
Makauban niya sa maong episode sila si Raiko Mateo ug JC de Vera.
Giangkon ni Maricel nga puwerti niyang hilaka sa dihang nakabasa pa lang sa script niini.
Katapusang nilugwa si Maricel sa MMK niadtong 2003 kung diin siya ang nagdala sa real-life story sa komedyanteng aktres nga si Ai Ai delas Alas. (Sanden J. Anadia)
Mingawon gyud
Nahuman na kagabii ang seryeng 'A Love to Last' nga gibidahan nila ni Ian Veneracion ug Bea Alonzo. Gibutyag ni Bea nga seguradong mingawon gyud sila ni Ian sa usa’g-usa sanglit naanad na sila nga magkauban permi sa taping.
Co-producer
Gawas sa Star Cinema, co-producer usab si Piolo Pascual sa pelikula nila ni Toni Gonzaga nga Last Night. Si Direk Joyce Bernal ang direktor niini nga ka-partner niya sa Spring Films . Co-producer usab niini ang gidungog nga uyab ni Angel Locsin nga si Neil Arce nga maoy tag-iya sa N2 Productions .
Joshua mopalit og balay
Nakatigom na si Joshua Garcia busa nagplano siya nga mopalit og bag-ong balay alang sa iyang pamilya. Kasamtangan sila nga nagpuyo sa apartment busa panahon na magpuyo sila sa kaugalingon nila nga balay. Suma pa ni Joshua nga mao kini ang resulta sa iyang pagpaningkamot sa showbiz.
Kontento sa career
Mapasalamaton si Joross Gamboa sa ABS-CBN gumikan kay mikulit og kasikas ang iyang partisipasyon sa pantaserye nila ni Kathryn Bernardo ug Daniel Padilla nga Laluna Sangre. Kontento na si Jorros sa dagan sa iyang career bisan pa man nga nga supporting role ang maangkon niya permi sa iyang mga proyekto.
Anne nayayay
Bisan naglain ang lawas ni Anne Curtis , nilugwa gihapon kini sa noontime show nga It’s Showtime . Giubo ug gisip-on ang TV host-actress hinungdan nga naka-mask kini sa maong show.
Kris dili imbitado?
Wala mahisgoti ni Ai Ai delas Alas ang pangalan ni Kris Aquino sa mga artista nga imbitado sa kasal nila ni Gerald Sibayan karong December. Nasayran nga taodtaod na nga nagbungol ang duha. Apan duna’y mga higayon nga nagtagad sila sa dihang nagkaabot sila sa usa ka event.
Maayong inahan
Napanglantawan ni Vic Sotto nga usa ka maayong inahan ang iyang asawa nga si Pauleen Luna alang sa umaabot nila nga anak. Nakita niya nga nangandam gyud og taman si Pauleen sa iyang pagpanganak ug kompleto na ang mga gamit sa bata.
Kinsa kaha?
Wala pa’y sure si Piolo Pascual kun duna ba siya’y ka-date sa umaabot nga Star Magic Ball. Apan pipila sa iyang fans nisugyot sa pangalan ni Shaina Magdayao nga na-link niya kaniadto.
Nag-agi og depresyon
Giangkon ni Devon Seron nga nag-agi siya og tumang depresyon sa dihang nihinay og kalit ang iyang career kaniadto. Maayo na lang gani nga nakontrol niya ang iyang kaugalingon.
Wala’y manager
Kabubut-on sa produkto sa StarStruck nga si Vivo Ouano nga dili mokuha og manager. Suma pa niya nga duna’y mga nagpaila nga manager ang ganahan mohupot kaniya sa kondisyon nga uyabon siya.
Matud pa ni Vivo nga dili siya ganahan sa maong sistema ug dili na siya modetalye sa pangalan sa mga tawo nga iyang gihisgotan. Duna pud siya’y nailhan nga mga artista ang nisugot sa maong klase nga set-up.
Nganong nibalik si Atom sa GMA-7?
Gibutyag ni Atom Araullo nga usa sa mga rason nibalik siya sa GMA-7 gumikan kay nasayod siya nga maayo kini mogama og mga documentary ug swak kaayo ang iyang talento niini.
"Sa larangan ng journalism, gusto ko pa matuto. At sa palagay ko this is one of the best place to learn new things about journalism. So, I'm really excited,” saysay pa niya ngadto sa GMA News.
Matud pa niya nga mahiligon gyud sa paghimo og mga documentary.
"Mahilig ako gumawa ng mga docu. Talagang alam ko naman na ang GMA napakahusay sa paggawa ng mga documentaries,” dugang pa niya,
Gihangop usab sa Chairman ug CEO sa GMA nga si Atty. Felipe L. Gozon ang pagbalik ni Atom.
Dahil kilala ang GMA-7 sa paggawa ng world-class at award-winning documentary and public affairs program. Kami ay nalulugod sa paglipat ni Atom Araullo para lalo siyang mahasa sa pagiging magaling na broadcast journalist at documentarist among others,” saysay pa niya.
Usa si Atom sa mga Advocate sa United Nations High Commissioner for Refugees in the Philippines.
Rufa Mae molugwa sa ABS-CBN
Human sa pipila ka tuig nga pag-istar sa GMA-7 , molugwa karong adlawa sa ABS-CBN ang komedyanteng aktres nga si Rufa Mae Quinto pinaagi sa episode sa Ipaglalaban Mo.
Sa maong episode, ipadaplin una ni Rufa Mae ang iyang pagka-komedyante gumikan kay suwayan niya ang heavy drama.
Giklaro hinuon sa aktres nga freelancer ang iyang istado ron busa makalugwa ra siya sa bisan asa nga network.
Matud pa niya nga mapasalamaton usab siya sa GMA-7 gumikan kay mao kini ang naghatag kaniya og proyekto sulod sa pipila ka tuig.
Klaro na sa pattern
Taod-taod na nga gidungog nga dunay espesyal nga relasyon sila si Loisa Andalio ug sa Hashtags member nga si Ronnie Alonte ug nisamot kini sa dihang niangkon sila nga kanunay sila nga mag-date.
Gipakilig nila og samot ang ilang fans sa dihang ni-post si Loisa og hulagway sa Instagram kung diin gigakos niya si Ronnie.
Sa maong hulagway , aduna kini caption nga , “Nag-iisa lang ‘to.” (BANAT NEWS)
- Latest