Banat ( Leaderboard Top ), pagematch: 1, sectionmatch: 1

MARKers

As they say, "once a broadcaster, always a broadcaster." Usa ka tuig ug tulo ka bulan human nako gipakatulog ang okRYAN radio show sa hingpit, mubalik ra sab gyud diay ko. Pero dili sa radio o telebisyon. Kundili, sa social media na. Yes, FB Live session na akong peg. Mas daghan na ang makakita ug makadungog. Mas interactive na sab. Pakpak!

Apan dili na okRYAN ang title sa show, kundili, MARKado na. Nindot ra? Hahaha! Bitaw, human ko nibiya daghan gihapon ang sige og pangutana nganong nanamilit ko sa kahanginan human sa usa ka dekada nga pag-host og lifestyle and entertainment show sa dyLA ug dyRC. Ug naa pa gyud gani makugang inigsulti nako nga wala na ko’y radio uy, Banat na lang gyud. Lately, naa koy kasabot, didto sa dyRC nilugwa kay nagtuo og tua ko didto. Hahahaha!

So yes, I'm back on air, diin dili namo magkinahanglan og transistor radio. Dili namo mureklamo kon usahay dili tin-aw ang signal sa radio station. Dili namo mureklamo nga usahay daghan og commercial gaps. Labaw sa tanan, dili namo mureklamo nga nakuwangan mo, nga kinahanglan patas-an ang airtime bisan og two hours na gyud to akong program sa dyRC for years, on weekdays. Kay ang inyo ra gyung buhaton mao nga i-like ra ninyo ang atong FB page. Walay lain kundi: BANAT NEWS.

Mas nindot na ni ron kay kon dili mo katan-aw kay naa moy lakaw, pwede ra kaayo ninyong ukayon ang video/episode sa atong FB page. Nindot sab kay bisan asa ka ug bisan nag-unsa ka, mabitbit ra kaayo nimo imong cellphone aron mutan-aw sa atong live broadcast. Mao nga i-like lang gyud atong FB page: BANAT NEWS.

Gawas sa MARKado, live sab ninyo nga makita ang BANATanay nila ni JP, Yuri ug Sanden matag Martes sa hapon.  Aduna pa sab mi giluto nga laing programa nga makita ninyo sa FB page puhon. Dugang pa niana, daghan sab mi’g mga balita nga ipost. Busa like na gyud our FB page: BANAT NEWS.

So, hello dear okRYANians!  Karon pwede na sab ninyo tawgon inyong self og MARKers. Kana kon, love gyud ko ninyo ug gimingaw mo sa akong kasabaan sa kahanginan sulod sa usa ka dekada. Dili na lang ni lifestyle and entertainment ang atong hisgutan. Ato na’ng tukion ang bisan unsa nga makalingaw ug puno sa kasayuran ug pagtulun-an. Aduna sab tay mga guests nga personalities kada episode. Pwede sab mo mo-suggest kinsay ganahan ninyo nga atong i-guest. So like na gyud our FB page: BANAT NEWS!

Pakpak! Have a blessed Sunday, my dear okRYANians and MARKers!

 

  • Follow Us: