Apil na ang Pilipinas World Tour ni Justin gikanselar
CEBU, Philippines - Gikanselar sa Pop singer nga si Justin Bieber ang nahabilin niyang mga world concert tour nga "Purpose" sa wala’y klaro nga rason .
Maligsan sa maong kanselasyon ang nahabilin niyang 14 ka concerts sa North America ug Asia.
Nalakip na niini ang iyang umaabot nga concert dinhi sa nasud karong September 30 nga pagahimoon unta sa Philippine Arena,
"Justin loves his fans and hates to disappoint them. He is grateful and honored to have shared that experience with his cast and crew for over 150 successful shows across 6 continents during this run. However, after careful consideration he has decided he will not be performing any further dates,” tipik sa official statement sa kampo ni Justin.
Duna’y mga nagtuo nga gikapoy na si Justine sa maong world tour. Gisugdan ni Justine ang maong world tour sukad pa niadtong Marso sa miaging tuig ug gani nakapahigayon na siya og 150 ka mga concert.
Ang maong kanselasyon giluwatan human gi-ban ang concert sa singer didto sa China tungod matod pa sa bati nga binuhatan niini sigon sa Beijing's Municipal Bureau of Culture. Hinuon wala gibutyag kon duna ba kini koneksyon sa kanselasyon sa concert ni Justin.
Giklaro hinuon sa maong statement nga refundable ang napalit nga mga ticket sa fans.
(BANAT NEWS)
- Latest