Gihangop dayon sa viewers

CEBU, Philippines - Malipayong gipahibalo ni Coco Martin nga positibo ang nadawat nga feedback sa serye niya nga Ang Probinsyano nga bag-ohay pa lang nagsugod sa telebisyon busa naghudyaka ang tibuok cast ug production team sa maong serye. Aduna sila’y thanks giving dinner niadtong Sabado.

Nakadaug sa Guam

Nakadaug sa Guam International Film Festival ang  pelikulang That Thing Called Tadhana isip  Best Narrative Feature. Bida sa maong pelikula sila si Angelica Panganiban ug JM de Guzman. Si Buboy Villlar maoy nakadawat sa special award nga  Achievement in Acting alang sa pelikulang  Kid Kulafu kung diin midala siya sa  role isip batang  Manny Pacquiao ug ubos kini sa direksyon ni Paul Soriano.

Concert ni Glaiza nagmalampuson

Nagmalampuson ang labing una nga concert ni Glaiza de Castro nga  Dreams Never End niadtong Sabado sa gabii sa Music Museum . Suma pa nga napuno gyud ang venue sa concert ug pipila sa iyang special guests mao sila si Kitchie Nadal, Cooky Chua, Jay-R, Rhian Ramos, ug  Regine Velasquez. Gawas sa pagkanta,  gipakita sab ni Glaiza niadtong gabhiona ang talento niya sa pagsayaw ug paggitara.

Alonzo mi-share sa blessings

Kusog   ang dagan sa career sa child star nga si Alonzo Muhlach busa nipaambit  gyud siya sa iyang blessings ngadto sa mga bata nga wala na’y ginikanan. Nanghatag og pagkaon ug duwaan si Alonzo didto sa Las Piñas sa miaging adlaw.

Pahugyaw ni Carlos

Naliki ang TV viewers sa gibuhat ni  Carlos Agassi dili pa lang dugay  sa  Bulaga Pa More sa Eat Bulaga. Nag-ambak ambak si Carlos samtang siya nagkanta.

First time voter

Nagpanikad na si Daniel Padilla sa umaabot nga piniliay sunod tuig gumikan kay mao kini ang unang higayon nga makabotar siya. Nagpangedaron na si Daniel og 20 apan karon pa lang siya nakapa-rehistro.

Wrong timing

Giangkon ni  Mark Bautista nga dili  pa  saktong panahon sa dihang gipanguyaban niya kaniadto si  Sarah Geronimo . Malipayon si Mark sa lovelife karon ni Sarah kinsa girlfriend sa aktor nga si Matteo Guidecelli.

Wala’y biyaay

Gipadayag ni Liza Soberano nga nakaila gyud siya sa batasan ni Enrique Gil busa wala gyud siya mobiya sa kiliran sa aktor human kini na-kontrobersyal  gumikan sa pagkahubog niini sulod sa eroplano samtang padulong sa London ang pipila ka Kapamilya stars.   “To be honest, because I know who he is. I was with him the whole time. I’m always with him every day. I know who the real Enrique Gil is. I know what happened,” saysay pa ni Liza ngadto sa ABS-CBN News.

Big project

Gipahibalo ni Anne Curtis nga usa ka dakong pelikula ang nagpaabot kaniya kung diin makauban niya sila si Maja Salvador ug Paulo Avelino.  Suma pa ni Anne nga naghinam-hinam na siya sa maong proyekto gumikan kay makatrabaho niya og balik si Direk Ruel Agbayani nga mao usab ang direktor sa pelikula niya kaniadto nga No Other Woman.