Bamboo flowers nakadaug sa China

CEBU, Philippines - Nakalangkat og award ang Pinoy  indie film nga “Bamboo Flowers” sa  bag-ohay lang nga 1st Silk International Film Festival  didto sa China.

Ang maong  pelikula nga  ginama sa Bol-anon nga  direktor nga si Maryo Delos Reyes maoy nakaangkon sa  Audience Favorite Award.

Ang embahada sa Pilipinas sa Beijing maoy midawat sa award isip representante sa Film Development Council of the Philippines nga mao usab ang producer niini.

Pipila sa mga eksena sa “Bamboo Flowers” gihimo sa hugyaw kaayo nga Loboc River didto  sa Bohol .

Nasayran nga dul-an sa 200 ka mga pelikula ang nisalmot sa nahisgutang film festival.