Rocco-Lovi movie

CEBU, Philippines- Magpares ang mag-uyab nga sila si Rocco Nacino ug Lovi Poe sa usa ka pelikula. Mag-uban ang duha sa pelikulang “Soap Opera” ug si Remton Siga Zuasola ang direktor niini. Gi-shoot ang pipila ka mga eksena niini didto sa Capones Island sa  Zambales.

Darren kagubtan

Kanunay nga dumugan si Darren Espanto sa mga tawo kung mosuroy kini sa mga mall. Na-feel na ni Darren ang iyang celebrity status.

Lorna naospital

Nalandig sa tambalanan si Lorna Tolentino sa miaging adlaw human kini nadakin-as sa Greenhills ug kusog matud pa ang pagkahagba sa likod nga bahin sa iyang lawas. Padayon nga giobserbahan sa mga doktor ang kundisyon sa aktres.

Mirise!

Gihugon-hugon nga nabalaka na matud pa si Aljur Abrenica sa istado sa iyang career gumikan kay padulong na kini mahagba. Nagsugod kini sa dihang gireklamo ni Aljur ang iyang mother network nga GMA-7.

Dennis nasakitanog samot

Nasakitan pag-ayo si Dennis Padilla gumikan kay nag-ilis og contact numbers ang iyang mga anak busa dili na siya maka-communicate niini.  Una na nga gibutyag ni Dennis nga gidid-an siya ni Marjorie Barretto nga makaduaw sa ilang mga anak.

Francine gidedma

Giingong gikapoy na si Francine Prieto sa pagpangatake ni Mike Enriquez gumikan kay wala gyud tagda sa sikat nga broadcaster ang mga gipang-post niya sa Twitter. Kahinumduman nga ginganlan ni Francine og “panget” si Mike.

Sayon ra!

Gipadayag ni Nadine Lustre nga komportable siya kang James Reid busa wala siya makulbai sa dihang gibuhat nila ang kissing scene sa pelikulang Talk Back And You’re Dead .

Kaluha ang target

Gibutyag ni Dingdong Dantes nga pangandoy niya nga makaanak sila ni Marian Rivera og kaluha. Una na nga gipadayag ni Marian nga ganahan siya makabaton og daghang anak inigkahuman sa kasal nila ni Dingdong.

Hinilakay

Giangkon ni Eugene Domingo nga nihilak siya og maayo atubangan sa iyang inahan sa dihang gisuginlan niya kini nga mopahuway una sa pagama og pelikula. Nakugang ang iyang inahan sa iyang hukom apan nakasabot ra kini dayon.

Fans ni Jeron nalipay

Gikalipay pag-ayo sa fans ni Jeron Teng ang pagkatagak ni Joshua Garcia sa Pinoy Big Brother All-In.  Giingon makuhaan na og tunok ang ilang idolo kinsa gikatahong suitor  ni Jane Oineza. Nasayran nga sweet kaayo sa usag-usa sila si Jane ug Joshua sulod sa PBB house butang nga wala mauyoni sa fans ni Jeron.