Filipino-German nagbangis na sab
CEBU, Philippines — Midako ang kahigayonan ni Fil-German sensation ug PBA No.1 pick Christian Standhardinger nga ibayaw nga MVP sa ABL human mipakita og laing dominante nga performance.
Ang 6-foot-8 nga si Standhardinger, usa sa mga leading scorer ug rebounder sa liga mirehistro og 25 puntos ug 10 rebounds alang sa Hong Kong Eastern Lions nga milubong sa Formosa Dreamers, 99-79.
Ang defending champion nga Eastern Lions padayong nag-una sa standing sa ilang record nga 8-1.
Segurado na usab sila sa playoffs, samtang ang pambato sa nasud sa Alab Pilipinas anaa gihapon sa kuyaw nga kahimtang.
Ang Alab tuyo nga mosaka sa ikalima nga dapit sa standing pinaagi sa pagdaog sa ilang sangka batok sa CLS Knight Indonesia karong gabii didto sa Indonesia.
- Latest