Water Market mipilde sa Edgar and Tony
CEBU, Philippines — Gilumsan sa Water Market ang Edgar & Tony, 91-75 sa pormal nga pagsugod sa Power Forty-Domie Labalan President’s Cup niadtong Martes sa gabii didto sa Inayawan Sports Complex.
Si Jun Cañete mipabuhagay og 12 puntos aron mangulo sa scoring sa Water Market nga wala na molingi pa human miposte og 43-37 sa halftime. Gibingat pa ang labaw ngadto sa 66-57 sa wala pa ang 16 puntos nga demolisyon.
Lima sab ka players sa Water Market ang miiskor og 10 puntos ug usa na niini si team manager Vez Eleguin.
Ang Edgar & Tony gipangulohan ni Joseph Abasolo nga mitusak og 25 puntos.
Sa sayo pa, si Robert Abasolo mikulit og 17 puntos aron pangulohan ang AMBL nga mipukan sa Park ‘N Go, 77-65.
Sila si Atan Diaz ug Al Misa mao sab ang nangu sa Park ‘N Go nga mikandos og 10 puntos matag usa.
Sa lain pang aksiyon, ang Krisha Hynes yano sab kaayong miiskor og daog pinaagi sa paglubong sa Team Atillo, 100-87.
Sila si Eric Espinosa ug Julyan Capala nagkumboya’g 55 puntos aron pangulohan ang Krisha Hynes.
Anugon kaayo ang 34 puntos ni Teddy Fernandez kay nasugamak man ang Team Atillo.
Ang mga duwa gipadagan ni league commissioner Edwin Dejacto Sr. sa abag nilang Nono Montana, Andres Dejito, Timmys Inocian ug Teddy Cabanada.
Puntos Matag Usa
Unang duwa:
AMBL (77) – R. Abasolo 17, Canarias 14, Ocariza 11, Cabatas 11, Cabrera 7, Ocampo 6, Labalan 6, Babatuan 3, Lim 2.
Park ‘N Go (65) – Diaz 10, A. Misa 10, Sabandeja 9, Arias 8, Lapulapu 8, Chiong 8, Mosqueda 6, Nacional 4, Rama 2.
Ikaduhang duwa:
Krisha Hynes (100) – Espinosa 28, Capala 27, Mercado 10, F. Yosores 8, Abasolo 8, Manturillas 8, Sumalinog 7, Sandal 4.
Team Atillo (87) – Fernandez 34, Sanchez 15, Cantarona 9, Fuentes 9, Pabillon 8, Atillo 4, Villagarcia 4, Ungria 2, Yosores 2.
Ikatulong duwa:
Water Market (91) – Cañete 12, Fuentes 10, Lim 10, Eleguin 10, Borces 10, Sumargo 10, Borces 9, Tantiado 8, Ozon 8, Dejacto 6, Navares 4, Dequit 4.
Edgar & Tony (75) – J. Abasolo 25, Veloso 13, Dumali 12, Abapo 10, Cabrera 7, Bentazal 6, Nacario 2. (BANAT NEWS)
- Latest
