Ultimate Gym mipilde sa Therrish Resort, Yamaha Sight daog na gyud
CEBU, Philippines — Gipilde sa Ultimate Gym ang Therrish Resort Basketball, 65-59 aron mokulit sa ikaupat nilang daog sa Sunday.com 4th Conference League niadtong Domingo sa buntag didto sa Ibabao-Estancia gym, dakbayan sa Mandaue.
Ang maong kadaogan nagplastar sa Ultimate Gym ngadto sa ikaupat nga dapit sa standing bitbit ang 4-3 nga baraha.
Si Saniboy Tambus lang ang naka-double digits sa Ultimate Gym, apan gialalayan siya sa iyang kaubanan nga mitampo sab og puntos nga nakatabangtabang sa ilang kadaogan.
Trese puntos sab ang iskor nilang Ritchie Malahos, Neil del Castillo ug Lymuel Lapinid aron mangulo sa scoring sa pilderong Therrish Resort nga napadpad sa ikaunom nga dapit uban sa Yamaha
Sight sa managsama nilang 1-5 nga baraha.
Ang Yamaha Sight sa katapusan midaog na gyud human ma-forfeit ang Sharks nga mao na karon ang nangiwit sa standing sa ilang 1-6 record.
Ang liga nahimo pinaagi sa pagtinabangay sa tanang miyembro ug opisyales sa ballclub nga pinangulohan sa presidente niining si Camilo ‘Tata’ Nadera ug bise presidente Atty. Sally Malig-on.
Gipaluyohan sab kining tinuig nga liga sa VECO nga maoy major sponsor sukad kini natukod upat ka tuig na ang milabay.
Puntos matag usa
ULTIMATE Gym (65) – Tambus 13, Abrenica 9, Manila 9, Zanoria 6, Corilla 6, Alaura 5, Pepito 5,
Antigua 4, Juncavs 4, Apor 2, Joven 2.
THERRISH Resort (59) – Malahos 13, N. Del Castillo 13, Lapinid 13, Saludares 6, V. Neiz 6, W. Del
Castillo 4, R. Neiz 2, Paden 2. (BANAT NEWS)
- Latest