MVP mipahalipay Ateneo

Usa ka mahalon nga Iphone 10 ug bakasyon sa gawas sa nasud ang pahalipay ni sports patron Manny V. Pangilinan ngadto sa tibuok koponan sa Ateneo De Manila University Blue Eagles tungod sa malampuson nilang pagsakmit sa kampiyonato sa UAAP basketball tournament niadtong Domingo.

Ang Blue Eagles mipalagpot sa trono sa karibal nga De La Salle Green Archers, 88-86 sa Game 3  didto sa Smart Araneta Coliseum.

Standhardinger nagbangis

Sa gihapon, midominar na usab ang Fil-German standout ug No. 1 PBA pick nga si Chris Standhardinger, kinsa miiskor og 19 puntos aron ituboy ang Hong Kong Eastern Lions ngadto sa 87-78 nga kadaogan sa ASEAN Basketball League.

Ang Eastern Lions miinat sa ilang rekord ngadto sa 2-0.  Gipilde sab sa Eastern Lions ang Alab Pilipinas sa duwa nila niadtong miaging semana.

Rain or shine daog sa PBA  Pre-season

Gipakita  sa Rain or Shine Elasto Painters nga andam na sila sa  43rd season sa PBA human midaog batok sa Phoenix Fuel Masters, 95-91 sa ilang pre-season kagahapon didto sa Pasig. Si Chris Tiu ug rookie bigman Dexter Maiquez maoy nangulo sa Painters sa ilang 20 puntos matag usa.