Inahan, anak midaog sa Toledo
CEBU, Philippines — Pulos misakmit og kampiyonato sa tagsa-tagsa nila ka dibisyon ang inahan ug anak nga sila si Lucille ug Pamela Ruiz sa 2017 Toledo Adik og Dagan (TAD) Off-Road Duathlon kagahapon didto sa Ranch sa Toledo City.
Si Lucille reyna sa 36-above class sa oras nga 2:46:23. Wa kaapas niya si Daisy Batac kinsa second placer sa oras nga 2:50:05, samtang si Salve Pabalate milandig sa ikatulo 4:22:39.
Ang iyang anak nga si Pamela milabni sa titulo sa 35-under action sa oras nga 2:35:42 gisundan nila ni Alex Ledesma sa iyang 2:44:04 ug Glee Largo (2:11:16).
Ubang mananaug sa age-group mao sila si Jonathan Pagaura(29-below), Rolly Cabaluna(30-35), Ronald Guanzon(40-49) ug Francis Solatorio(50-above).Ang tandem usab nila ni Dongkie Sanchez ug Rhyke Armas (1:53:00) ang midaog sa relay event. (BANAT NEWS)
- Latest