Terrence Romeo kuhaon sa Bolts?
CEBU, Philippines — Adunay hugon-hugon nga nakigsabot ang mga kadagkoan sa GlobalPort sa Meralco aron lutuon ang usa ka ‘trade’ diin kuhaon sa Bolts ang superstar nga si Terrence Romeo.
Gikataho nga ang Meralco andam mohatag nila ni Gilas cadet Baser Amer ug high-flyer Chris Newsome ngadto sa GlobalPort bugti sa PBA scoring champion nga si Romeo.
Dako ang kahigayonan nga mahitabo kini tungod kay si Romeo gusto nga mohawa sa GlobalPort kay wala na siya malipay sa dagan sa koponan nga hangtod karon wala pa gihapon kasakmit og kampiyonato sa PBA.
Si Romeo usa sa mga labing sikat nga player sa nasud, apan igo lang siya nakaduwa sa semis sa PBA sa upat niya ka season sa GlobalPort.
Gawas sa Meralco, giingon nga ang TNT KaTropa mihagad sab ni Moala Tautuaa bugti sa Gilas Pilipinas scorer. (BANAT NEWS)
- Latest