Bustillo misidlak sa CEPCA monthly
CEBU, Philippines — Si Mario Bustillo maoy midominar sa hiniusang September/October qualifying sa Cebu Executives and Professionals Chess Association (CEPCA) monthly tournament niadtong Domingo didto sa Knight Attack Chess Cafe sa Robinsons Galleria Cebu.
Gipilde ni Bustillo sila si Joe Atillo, Jonas Bajo ug Edgar Cimafranca ug nakigtabla nilang Ruel Hortelano ug Eddie Flores aron pagkolekta og kinatibuk-ang 4.0 puntos.
Sila si Bong San Pascual ug Eddie Flores maoy mipahiluna sa nagsunod nga duha ka puwesto uban ang 3.5 puntos matag usa.
Apan kay mi-qualify na man si Bustillo sa grand finals nga gitawag sab og “Battle of Champions”, sila si San Pascual ug Flores maoy miangkon sa duha ka luna alang sa Septiyembre ug Oktubre.
Gawas nilang Bustillo, San Pascual ug Flores, abante na sab sa Group B grand finals sila si Adrian Valparaiso, Percival Fiel, John Velarde, Jun Kidlat, Ruel Hortelano, Manny Abucay ug Martin Kwan.
Ang nahibiling duha ka luna ilogan karong Nobiyembre 26. (BANAT NEWS)
- Latest