Jemar-Celjem hari sa 1st Contractors sportsfest
CEBU, Philippines — Ang hiniusang puwersa sa Jemar Engineering Services ug Celjem Construction & Development Corporation nga nagrepresentar sa Team Orange maoy nanghawod sa labing unang Contractors Inter-Company Sportsfest nga misikad diha sa YMCA Gym ug gitak-op sa Greenville Heights didto sa lungsod sa Consolacion.
Ang Green nga gibidahan sa Gonzalodo Enterprises maoy nalandig sa ikaduhang dapit, samtang mipahiluna sa nagsunod nga tulo ka puwesto mao ang San Narciso Builders Corp.-Red, JJ&J Construction and General Supply-Blue ug Gram Construction & Supply-Violet.
Gawas sa basketbol, lain pang mga duwa sa maong duha ka semana nga kalihukan mao ang volleyball, badminton, table tennis, chess ug dama.
Midugang sa kasadya niini ang cheerdance competition ug ang paghagpat sa “Queen of Construction”.
Nagmalampuson ang maong kalihukan gumikan sa paningkamot sa mga sakop sa organizing committee nga naglangkob nilang Kara Milovy L. Gonzalodo, Engr. Leiz Klade M. Maratas, Ress Jade B. Maglasang, Jesi-in B. Matugas, ug Agustin S. Liguaton.
“In holding this event, we want to promote camaraderie among participating teams, create unity, provide healthy pastime to our staff and workers, teach the value of teamwork, discipline and sportsmanship, and showcase our talents in different sports as well,” matud pa ni Engr. Jerry Maratas, ang team leader sa overall champion Jemar-Celjem. (BANAT NEWS)
- Latest