Banat ( Leaderboard Top ), pagematch: 1, sectionmatch: 1

Katropa tagam ni Rice

CEBU, Philippines — Hayan nga dili na kuhaon pagbalik sa TNT KaTropa ang kanhi NBA standout nga si Glenn Rice Jr. isip import bisan pa sa iyang abilidad ug kalibre.

Human gipamulta og P26,000 sa PBA, ang kadagkoan sa TNT mipahamtang sab og penalty ngadto ni Rice Jr. kagahapon diin ilang gikuhaan og $10,000 ang suholan sa American player  nga miuli kagahapon  sa Estados Unidos.

Si TNT team manager Virgil Villavicencio nagkanayon nga kini isip silot kanila ngadto ni Rice Jr. human sila tagai og labad sa ulo sa iyang pagduwa isip import sa Governors’ Cup.

Ang TNT management wala makontento sa gipakita ni Rice Jr.  nga wala katabang kanila sa Game 4 kay sayo kining na-eject dihang nanukmod og player sa Ginebra ug mibalikas sa pipila ka reperi.

Gitug-an usab nila nga si Rice Jr. mipakita og bati nga batasan bisan pa sa iyang mga teammates ug pipila ka sakop sa coaching staff. (BANAT NEWS)

  • Follow Us: