‘Civil war’ sa Sugbo sa October 27
CEBU, Philippines — Pambato sa Omega Boxing Gym fighter Jahleel ‘Cebuano Disaster’ Payao (15-1, 19KOs) manalipod sa iyang Philippine bantamweight title batok Renerio Arizala (13-7, 2KOs) sa Peñalosa Stable sa main event sa “Who’s Next? 5” nga giulohan og 'Civil War' sa Oktobre 27 diha sa Mandaue City Cultural and Sports Complex.
“This is a test for Jahleel. If he will have an impressive performance in this fight then we can give him a shot at the regional title,” matud pa ni Omega Pro Sports International vice president Jerome Calatrava. “We are thinking of a WBO regional belt if he succeeds in this fight.”
Si Payao milabni sa Philippine title human midaog pinaagi sa unanimous decision batok ni Jason Tinampay niadtong Marso 8 didto sa Cawayan Social Center sa Masbate.
Sa iyang bahin, si Arizala nagpangagot nga moputol sa lima ka sunod-sunod niyang pilde batok ni Jake Bornea niadtong Mayo 12 didto sa Davao City.
Sa supporting bout, ang beterano nga si Jason Canoy (26-7, 12KOs) makigharong ni Rambo Lagos (11-4, 7KOs) sa 10-round bantamweight showdown.
Ang mga sangka sa undercards mao sila si Kenny Demecillo batok Gerpaul Valero, Tomjune Mangubat batok Crisanto Contemprato, Rimon Rama batok Richard Bulacan, Salatiel Amit batok Ramil Antaran, Jimboy Haya batok Elias Joaquino, Jay-ar Aliasot batok Renan Portes, Mark Vicelles batok Rey Tagulaylay, Marjun Piencenaves batok Arnel Acebuque, Royder Lloyd Borbon baotk Jerson Bancil ug Ponciano Rimandiman batok John Kenan Villaflor. (BANAT NEWS)
- Latest
