Mayweather kutob ra sa 2 rounds
CEBU, Philippines - Kumbinsido si mixed martial arts star Conor McGregor nga dili magdugay ibabaw sa ring si undefeated boxing legend Floyd Mayweather Jr. sa ilang sangka karong Agosto 26 didto sa Las Vegas.
Si McGregor nga mihimo og public workout kagahapon didto sa UFC gym, nagkanayon nga kinahanglan ra siya og duha ka rounds aron mapatumba ang five-division boxing champion.
“He’ll be unconscious inside two rounds, really one round, only for the 10-second count I will give him maybe surviving into the second,” matud pa ni McGregor ngadto sa mga sakop sa media.
Matud pa sa 29-anyos nga si McGregor nga anad siya og nipis nga gloves sa MMA, apan dili ra siya mabag-ohan kon mogamit siya og boxing gloves ug dili kini makaapektar sa iyang knockout power nga maoy mipasikat kaniya sa UFC.
- Latest
