416 ka adik nigradwar sa Sugod

CEBU, Philippines - Kapin sa kwatro sientos ka drug addicts gikan sa nagkadaiyang lugar sa Sugbo ang hingpit nang nigradwar sa Surrender to God Program nga mugna sa Archdiocese of Cebu.

Gipahibawo ni Fe Barino, ang pangulo sa Love of God Community sa Artsdayosisis sa Sugbo nga 546 ka partisipante ang niapil sa maong programa ug 416 niini ang nigradwar, diin 65-anyos ang kinatiguwangan samtang 12-anyos ang kinabataan.

Gibutyag ni Barino nga shabu ang kasagarang gigamit sa maong mga drug dependent samtang pipila kanila ang mitira og marijuana.

Giingong ang uban wala nakagradwar kay nibalik sa paggamit sa ilegal nga drugas hinoon nipaubos na usab sila og balik sa SuGod Program ug sila naulian na.

Ang  maong programa sab gipahibawo ni Barino nga adunay mga drop-in center sa lain-laing dapit diin adunay mga facilitator ug recovery companions sa mga nipahiluna og SuGod Continuing Care Program alang sa mga recovering addict.

Malipayon si Barino kay daghan na ang naulian. Gani ang uban aduna nay mga trabaho ug aduna na say nilangyaw na sa laing nasud.

Gipadayag niini nga importante kaayo alang sa recovering addicts ang bag-ong environment aron sila maulian sa hingpit ug malikayan ang pagbalik sa bisyo.

Ang ikasiyam nga batch sa SuGod Program, magsugod karong Hulyo 3 ngadto sa 8 ug ipahigayon kini ngadto sa Love of God Community. (BANAT NEWS)