Kerr di pa andam mobalik sa Warriors
CEBU, Philippines - Gikan sa ilang game-viewing session ngadto sa matag meeting sa mga coach, pagplano sa ilang mga duwa ug ingon praktis, si coach Steve Kerr aktibo kanunay nga mosalmot.
Apan ning puntoha, dili pa sakto ang pisikal nga kondisyon sa iyang panglawas aron siya mobalik og coach sa Warriors sa nagdanga-danga nga NBA Finals diin ila na sab nga ikabangga ang Cleveland Cavaliers.
Mismo si Golden State general manager Bob Myers ang mipahibawo nga mahimo nang mobalik si Kerr aron mo-coach sa Warriors, apan ning higayona dili pa kini andam kay duna pa’y dili maayong gipamati sa iyang lawas.
Si Kerr mibalik og tambong sa ilang praktis gikan sa duha ka adlaw nga pahuway human gi-sweep sa Warriors ang San Antonio Spurs aron pag-inat sa wa’y pilde nilang playoff record ngadto sa 12-0.
Apan tataw nga wala pa hingpit nga naayoang gipamati niKerrgumikan sa komplikasyon sa operasyon sa iyang likod niadtong Mayo 5.
Apan alang ni Myers, nga ang presensiya ni Kerr igo kaayong nakahatag kanila og inspirasyon ug ikadasig ilabi na ning puntoha diin sulngon nila sa NBA Finals ang defending champion Cleveland Cavaliers sa ikatulong sunod-sunod nga higayon. (BANAT NEWS)
- Latest