Thomas dili na katiwas sa playoffs
CEBU, Philippines – Ang All-Star guard sa Boston Celtics nga si Isaiah Thomas dili na makaduwa pa sa nahibiling bahin sa NBA playoffs gumikan kay natiwasan ang nahiaguman niining angol sa iyang hawak.
Unang na-injured ang hawak sa 28-anyos nga si Thomas sa ikatulong kuwarter sa ilang duwa batok sa Minnesota Timberwolves niadtong Marso 15 ug nasamotan kini niadtong Game 6 sa ilang second round series batok sa Washington Wizards.
Natiwasan ang iyang angol niadto lamang Sabado atol sa Game 2 sa ilang Eastern Conference finals batok sa Cleveland Cavaliers diin sila gilat-an og 46 puntos, 84-130. Niadtong tungora, si Thomas nayayay ug wala makaduwa pa sa katapusang duha ka kuwarter.
"Isaiah has worked tirelessly to manage this injury since it first occurred," matud pa ni Celtics team doctor Brian McKeon. "The swelling increased during the first two games against Cleveland, and in order to avoid more significant long-term damage to his hip, we could no longer allow him to continue."
Si Thomas wala na mobiyahe pa uban sa team didto sa Cleveland alang sa Game 3 nga gikatakda karong adlawa. Ang Cavs maoy naglabaw sa serye, 2-0. EBV (BANAT NEWS)
- Latest