Binata na Ginagawang Dalaga
Dear Vanezza,
Ako po si Patrick, 17 years old na ako pero si mama, ginagawa akong dalaga. Hindi ako pinapayagan na lumabas ng bahay. Kahit maglaro ng basketball. Takot kasi si mama na magkaroon ako agad ng nobya at mabuntis ko ito tulad ng nangyari sa kanila ni papa. Feeling ko ay wala akong kalayaan tulad ng ibang teenager. Puro Facebook na lang ako, pero mas lalo akong naiinggit sa mga kaibigan ko sa ginagawa nila. Lagi kasing nasa trabaho si papa, kaya lagi ako ang bantay sa bahay. Paano ko ba kukumbinsihin si mama na palabasin man lang niya ako ng bahay? Patrick
Dear Patrick,
Makatutulong kung ipapaalam mo sa iyong papa ang iyong nararamdaman. Para mag-usap sila ng mama mo na payagan kang lumabas ng bahay. Sundin ang kanilang rules nang hindi ka ma-bad shots sa mga magulang mo. Upang magtiwala sila at mawala ang kanilang takot na matulad sa kanilang kapalaran na maagang nag-asawa.
Sumasainyo,
Vanezza
- Latest