40 ka polis giimbestigar
CEBU, Philippines - Lain na usab nga 40 ka polis sa Police Regional Office-7 ang gipaubos sa imbestigasyon tungod sa gikatahong mga "unexplained wealth" niini.
Nagkanayon si Senior Superintendent Jose Carumba, hepe sa Regional Internal Affairs Services sa PRO-7 nga naapil sa listahan niini ang mga police commissioned officers, gawas sa mga non-commissioned police officers.
"40 plus din yun. May mga unexplained wealth naman ang nakalagay doon. May officers tayo doon," tataw ni Carumba.
Matud ni Carumba, ang maong impormasyon gibasehan sa Statement of Assets, Liabilities and Networth kon SALN sa mga polis.
Gitabangan usab ang RIAS sa R2 - Regional Intelligence Division pagsusi sa mga bahandi sa matag pulis.
Sutaon pa ‘sab kung ang mga polis nga adunay kalambigitan sa ilegal nga negosyo sa drugas ug kung nganong kalit silang nadato ug nakapanag-iya og duha o tulo ka mga sakyanan.
Apil sa motabang pagsusi ang Philippine Drug Enforcement Agency-7 ug Regional Intelligence Unit sa R2- RID.
"Para lalong gumanda yung outcome ng evaluaton natin. Kami (RIAS) ang mag re-revalidate doon. Ibig sabihin, kami ang may final say na ito ay may involvement talaga," matud ni Carumba. Kasong anti-graft and corrupt practices o sa Code of Ethics ang nagpaabot sa mga polis nga imbestigahon.
Kung mahibaw-an nga gikan sa binuang ang ilang bahandi relibohan sila sa puwesto alang sa imbestigasyon.
Sa miaging buwan, 63 ka polis ang giimbestigar sa RIAS kay kwestyonable ang mga bahandi. (BANAT NEWS)
- Latest
