Fajardo posibleng mosakmit sa ikatulo niyang MVP award
CEBU, Philippines - Mihayag ang kahigayonan nga makuha ni Cebuano PBA star June Mar Fajardo ang ikatulo niyang sunod-sunod nga MVP award nga mao unya ang labing una sa kasaysayan sa liga.
Bisan pa og dili niya makuha ang “Best Player of the Conference” award sa Governors’ Cup, ang 6-foot-10 San Miguel Beermen center mao gihapon ang maglabaw sa statistical points ug mosamot pa kini og kalig-on ilabi na kun moabante ang Beermen sa finals.
Si Fajardo mao ang gibayaw nga MVP sa miaging duha ka season tungod sa iyang pagdominar sa opensa ug depensa.
Si Fajardo nga mangulo karon sa Beermen sa ilang semifinals match batok sa Barangay Ginebra adunay 39.5 statistical points, gisundan ni TNT KaTropa guard Jayson Castro.
Mokumpleto sa top five statistical leaders mao sila si GlobalPort Batang Pier guard Terrence Romeo (33.5 SPs), Calvin Abueva (32.1 SPs) sa Alaska Aces ug teammate ni Romeo nga si Stanley Pringle (31.2 SPs).
Ang pag-anunsiyo sa mananaog sa MVP award mahitabo sa finals sa Governors’ (BANAT NEWS)
- Latest