L.A. Ballclub Durban All-Star nakalingkawas

CEBU, Philippines - Nidaog gyud ang L.A.  Ballclub Durban All-Star   sa kulbahinam nga aksiyon batok sa Cebu Wetland Resorts Selection, 107-106 sa ilang exhibition game sa miaging semana didto sa Talit’s Countryside gym sa Tayud, Lilo-an.

Mibida sa L.A. Ballclub Durban All-Star mao sila si Randy ‘Baby Face’ Colonia ug Topher Pilapil nga nagpauwan og 3-points.

Nakakuha sab siya og suporta gikan nilang Chan-chan Gerundio, Reyden Villaronza, Dicky Pepito, Jason Entrampas ug Glen Herra. Miabag sab ang playing team manager nga si Mitchel ‘Chilot’ Durban aron moiskor og lisud nga kadaugan sa L.A. Ballclub Durban All-Star nilang playing coach Dehan Butaslak ug Manuel ‘Ondong’ Magno.

Sila si Keken Cabahug, D. Isabelo ug Gomez mao sab ang misalida sa Cebu Wetland Resorts Selection ug mao sab ang naghatag og labad sa ulo sa kampo sa L.A. Ballclub Durban All-Star.

Sa sidelight events, si  Otik sa Raiko & Yanie Mini Mart maoy midaog isip ‘3-Point King’, samtang si Dennis Pepito sa Durban Uno maoy giilang hari sa buzzer-beater competition. (BANAT NEWS)