Cebuanos misidlak sa Alaska Ironkids
CEBU, Philippines - Sila si Zurielle Kenzie Galo ug Catherine Angeli Yu maoy nangulo sa mga Cebuano triathletes nga mipakita sa ilang abilidad sa second leg sa Alaska Ironkids kagahapon didto sa Village Sports Club sa Parañaque City.
Si Galo midominar sa 6-8 category human niya gipilde ang karibal niyang si Franchezka Borlain.
Si Borlain maoy nag-una sa swim part, apan gigukod siya ni Galo sa running event. Si Galo mitapos sa oras nga 9:10, samtang si Borlain ug si Isobel Tolentino parehong mioras og 9:13.
Sa iyang bahin, si Yu misakiyo sa ikaduhang dapit sa 11-12 division nga gidominar ni Jaz Villanueva.
Si Yu nakig-uban ni Micah dela Cerna sa Cebu Blue Marlins aron makuha ang kampiyonato sa relay event sa 11-14 class.
Si Dhexia Myle Bersabal misud sa top 5 sa 9-10 class, samtang si Justin Yu milandig sa ikaunom nga dapit sa boys division.
Mikompleto sa lista sa mga mananaog mao sila si Daniel Louw sa boys 6-8, Michael Gabriel Lozada ug Aubrey Tom (9-10), Clifford Pusing (11-12), Joshua Alexander Ramos ug Samantha Borlain (13-14). (BANAT PALARO)
- Latest