Pague misakmit tulo ka titulo
CEBU, Philippines - Mouli si Jose Maria Pague sa Zamboanga bitbit ang tulo ka tropeyo human sa dominante niyang performance sa bag-o lang natapos nga 21st JRG Gullas Tennis Cup kagahapon didto sa Consolacion Tennis Club sa Laray, Consolacion, Cebu.
Ang Palarong Pambansa silver medalist midaog sa boys 16, 18-under ug boys double titles.
Si Pague unang miangkon sa boys 16 title human iyang gipilde ang top-seeded nga si Francisco Hidalgo, 7-5, 6-2. Dayon misakmit sa 18-under title dihang iyang gipukan si Norman Joseph Enriquez, 6-2, 6-3.
Midaog usab siya sa boys 18 doubles uban ni Kenneth Banico sa Siquijor aron mahimong bugtong player nga nakasakmit og tulo ka titulo sa maong edisyon sa labing daku ug labing karaan nga tennis tournament sa nasud gawas sa Metro Manila.
Ang taga Naga nga si Zethley Mae Alferez, midaog sa girls 18 title pinaagi sa pagpilde ni Elizabeth Abarquez, 6-2, 6-4. Wala hinuon masirohi si Abarquez kay nikampiyon siya sa 16-under batok ni Patricia Velez sa Davao, 3-6, 6-4.
Ang igsuon ni Patricia nga si John David maoy hari sa 14-under human midaog batok ni Nilo Ledama,
Mikampiyon usab si Mitch Largo sa unisex 10-under batok ni CJ Suson 4-1, 5-4, 7-5. Si Tiffany Nocos mipahamtang ni Suson og laing kapildihan sa finals sa girls 12, 6-3, 1-6, 2-10.
Gisakiyo ni Elliane Bahonsua ang under 14 title batok ni Wyne Paglinawan, 6-2, 6-0. (BANAT NEWS)
- Latest
