2 ka boksidor sa Sanman mo-away sa Russia

MAKATI CITY, Philippines – Duha ka wa’y pildeng pambato sa Sanman Boxing Club nga atua magbasi sa dakbayan sa General Santos ang molarga karong adlawa sa Russia bitbit ang tinguha nga kab-oton ang iyang damgo nga mamahimong  regional champions.

Sila si Rimar ‘Terminator’ Metuda (10-0, 5KOs) ug Romero ‘Ruthless’  Duno (9-0, 8KOs)  nagpanikad nang makigharong batok sa lig-on nilang mga Russian nga kontra sa duha  ka  WBO  title fights karong  Mayo 6 didto sa DIVS sa Ekaterinburg, Russia.

Si Metuda moharong  ni Mark Urvanov alang sa WBO Intercontinental Youth featherweight belt, samtang ang knockout artist nga si Duno makigtigi ni Mikhail Alexeev  alang sa WBO Intercontinental super featherweight title.

“Both of them are fighting young and talented Russian fighters,” matud pa ni Sanman Promotions President ug CEO Jim Claude ‘JC’ Manangquil.

Si  Urvanov adunay 6-1 record uban ang 3KOs, samtang si Alexeev wa’y pilde sa pito  ka  away   diin    tulo sa   iyang  mga   biktima  gipatikangkang. (BANAT NEWS)