Omega who’s next? boxing series gilusad
CEBU, Philippines - Dala ang hugot nga tinguha nga makakaplag og future Filipino boxing stars, ang Omega Pro Sports International pormal nga milusad sa “Who’s next? Pro boxing series” nga bidahan sa bag-ong henerasyon sa mga boksidor, kinsa mopakita sa ilang abilidad nga mohimo kanila nga umaabot nga boxing champion.
“This is just the start of a long program in which we provide venues for our young boxers to improve their talents and at the same time be a catalyst for change in the local boxing scene,” matud pa ni Omega Pro Sports President Pio Paulo Castillo atol sa press conference kagahapon didto sa atrium sa Robinsons Galleria Cebu.
Si Chad Cañares, ang Omega Pro Sports International vice president, mipahibalo nga unom ka fight cards ilang giandam karong tuiga nga langkuban sa mga Omega Boxing Gym rising prospects.
“Our first card will be on March 6 here at Robinsons Galleria and it will be headlined by the undefeated Jhack Tepora, who will fight for the vacant WBO Asia Pacific super bantamweight title”.
Gawas ni Tepora (16-0, 11KOs), laing mga boksidor nga atngan sa ‘Who’s next?’ boxing series mao sila si WBF Asia Pacific bantamweight title-holder Kenny Demecillo (10-3, 7KOs), PBF flyweight king Virgilio Silvano (20-6, 12KOs), Jerry Castroverde (7-2, 4KOs), Jimboy Haya (8-2, KOs), Jared Jahleel Payao (12-1, 7KOs) ug Allan Villanueva (3-0, 3KOs). (BANAT PALARO)
- Latest