Geobert merchandise, 2-0 na sa CBBL basketball tourney
CEBU, Philippines – Gidabo-dabohan sa Geobert Merchandise ang Godwins, 76-64 aron magsolo sa liderato sa bracket-A sa 4th Consolacion Barkadahan Basketball League (CBBL) cagefest sa Brgy. Pulpogan gym sa Consolacion.
Gipangulohan ni Rian Capao ang kadaugan pinaagi sa iyang 19 puntos, samtang si Kitmon Paramel mikolekta og 15 puntos. Sila si Lemuel Sausa ug Cyril Sabellana nagkumboya’g 22 puntos alang sa Geobert Merchandise nga maoy nikontrolar sa tibuok duwa.
Ang Godwins nga wala gyud makatagamtam og labaw, gipangulohan nilang Cyro Bryan Fuaug Jessel Gungob nga parehong mikamada’g 15 puntos, gisundan ni Mark Capangpangan nga adunay 13 puntos.
Sa pasiunang duwa, ang Radisson Hotel mihatag og leksiyon ngadto sa Teachers team pinaagi sa pagdaog, 88-73 ubos sa pagpangulo ni Ekid Larobis, kinsa mikadlit og 19 puntos. Mihimo sab og double figures silang BJ Gonzales, Noel Iting, Andy Perales ug Joenard Pales sa maong kadaugan.
Si Kently Abellar mao lang ang bugtong player sa Teachers nga nakahimo’g double figures pinaagi sa iyang 19 puntos.
Ang mga duwa gidumala ni league organizer Eduard Escorial uban sa pag-abag nilang Noel Calo, Victor Tejero ug Bores Acompaniado. Gipaluyohan sab kini sa Erika’s Delight Bakeshop ni Erwin Flores, Pulpogan Motorparts, Orlmon Video ug Shea’s Delicious Peanut.
Puntos Matag Usa
Unang duwa:
RADISSON (88) – Larobis 19, Gonzales 16, Iting 15, Perales 11, Pales 10, Inopi 8, Santiago 8.
TEACHERS (73) –Abellar 19, Fiel 9, Dugho 9, Tibon 9, Cabulao 8, Anantos 8, Codinera 7, Miao 4.
Ikaduhang duwa:
GEOBERT (76) – Capao 19, Paramel 15, Sausa 12, Sabellana 10, Javier 7, Bambam 6, B. Abrasado 4, Kate 4, Gonzaga 2.
GODWINS (64) – Fua 15, Gungog 15, Capangpangan 13, Armean 8, Dela Luna 8, Quijano 3, Wadra 2. (BANAT NEWS)
- Latest
