Dugang PBA imports andam na
CEBU, Philippines – Andam na ang ubang mga PBA imports alang sa umaabot PBA Commissioner's Cup nga sugdan karong Enero 27 didto sa Smart-Araneta Coliseum.
Ang mga nahisgotang imports gipangulohan sa 6-8 ug 24 anyos nga si Richard Howell sa Talk N' Text Tropang Texters kinsa maoy napiling Best Import of the Conference sa miaging import.
Ang import sa Alaska mao ang 6-9 ug 23 anyos nga si D.J. Covington nga maoy hulip kang Bob Dozier kinsa wala tugoti nga mobiya sa usa ka Dubai-based nga team ang Al shabaab.
Ang 6-9 ug 23 anyos nga si Calvin"C.J." Leslie maoy import sa Global Port Batang Pier imbes unta ang ilang kuhaon mao si Rod Benson.
Ang Purefoods (San Mig Coffee) mikuha pagbalik kang Marqus Blakely, ang 6-5 nga 26 anyos kinsa maoy labing mubo nga import karon apan usa ka kugihan nga import nga makatabang sa team.
Si Michael Dunigan, 6-8 ug 26 anyos, maoy import sa Barangay Ginebra, si Josh Davis (6-8, 24 anyos) maoy import sa Meralco Bolts samtang ang import sa Rain or Shine Elasto Painters mao si Rick Jackson, 6-9 ug 25 anyos. (BANAT NEWS)
- Latest
