Mano amon run ugma na
CEBU, Philippines - Ugma na sayo sa buntag magginukdanay ang mga runners sa pagsikad sa 36th edition sa Halad Kang Mano Amon Run didto sa Danao City.
Ang organizers sa lumba nakahukom nga ipahigayon og sayo ang lumba sa naandan nga bisperas sa Pasko aron makaselebrar og maayo ang mga runners sa maong okasyon uban sa ilang pamilya.
Dul-an sa P100,000 nga ganting salapi ang gitagana alang sa mga mananaog sa matag kategoriya.
Ang mga kategoriya nga tigian naglakip sa 12K open, 6K All-Danao, 6K collegiate, 6K high school, 6K city hall employees ug 3K elementary pupil division.
Tungod kay gimugna ang lumba isip paghandum sa adlaw’ng natawhan ni Mano Amon, libre gihapon ang registration, apan ang runners kinahanglan maglumba sa pagparehistro aron makakuha og libreng race singlet.
Ang unang 500 ka runners nga magparehistro sa matag dibisyon maoy makaangkon og libreng singlet. (BANAT NEWS)
- Latest
