Alaska, Meralco moposte’g 2-0 nga baraha
CEBU, Philippines – Suwayan sa Alaska Aces ug Meralco Bolts nga molansang sa ikaduha nilang sunod-sunod nga kadaugan batok sa tagsa-tagsa nila ka mga kaatbang sa PBA Philippine Cup didto sa Smart Araneta Coliseum.
Ang Alaska makigharong sa Talk ‘N Text Tropang Texters sa alas-7 sa gabii human sa duwa sa Meralco ug Blackwater Elite. Ang Aces lab-as pa sa ilang 93-73 nga kadaugan batok sa defending champion Purefoods Star Hotshots, samtang ang Bolts midaog batok sa Barako Bull Energy, 112-108. Kun modaog ang Bolts ug Aces, makig-uban sila sa Barangay Ginebra San Miguel ug San Miguel Beermen nga adunay 2-0 records. (BANAT NEWS)
- Latest