Gustong mag-no. 1 apan 2-3 ang gidangatan
Napuno karon sa mga pagsaway ug mga ngil-ad nga kumentaryo si Gilas Pilipinas coach Chot Reyes human mokatap sa internet ang iyang "rant" o kalagot ngadto kang Marcus Douthit, ang naturalized Filipino citizen nga sakop sa atong Philippine Team.
Wala'y puas nga mga reaksyon sa mga netizens ang iyang pagbasol kang Douthit human mapilde ang Gilas sa Qatar, 68-77 sa nagpadayon nga 17th Asian Games didto sa Incheon, South Korea.
Katingalahan ug katingad-an kining Gilas. Sa FIBA World Cup sa Spain diin didto ang mga maayong laing teams sa tibuok kalibotan sama sa Croatia, Puerto Rico, Argentina ug Senegal, medyo maayo kita'g agi apan dinhi hinoon sa Asya, bisan pagkuha'g bronze nga medalya nasuhong pa. Unsa man ning kalakiha? Kumpyansa or nakataghap ra? Unsa man gyud---midako ang ulo ug migawas ang hambug or lupig gyud? Kamong mga suki sa Sportsgab, kamo nala'y bahala mohimo'g reaksyon. E-maile lang ako ninyo dinhi sa "[email protected]."
Isip sports writer, makasabot kita sa kalisod sa trabaho sa coach apan kung ang coach na gani mobasol sa iyang player, mura'g dili sab maayong paminawon.
Pagbuto sa balita nga gibasol ni coach Reyes si Douthit, iyang gitawag og un-Filipino ang wala pagpaningkamot ni Douthit nga modaug. Kini maoy nakadani sa akong pagtagad.
Kanus-a man diay nahimong Filipino si Douthit? Nakaduwa lang siya sa Gilas kay gihimo man natong "naturalized" Filipino citizen. Sa atong mga kapildehan sa basketball duna ba goy Kongreso nga midupa sa Gilas? Unya sa pagpasar sa balaud nga dinali-dali lupig pay gikilatan, ila kining nahatagan og pagtagad.
Un-Filipino kuno busa dili tinuod nga Filipino. UN-TRUE dili tinuod, UN-FAITHFUL dli matinud-anon. UNKNOWN wala hiilhi ug UNCEREMONIOUS, dilli tantong dungganan. Unsa pay inyong ikasumpay aron monindot kining pulong nga UN?
Sa sports okay kaayo kung moingon kita UN-beaten, UN-defeated ug UN-blemished record apan sa laing pulong, wala gyud kini maghatag og kaayohan.
Gani hangtod karon dili ako mahikalimot niadtong Fil-Am nga player sa Cebu Gems nga si Matt Mitchell nga nagsayaw-sayaw hinoon dihang gipatukar ang atong "Lupang Hinirang" ug dili nato mabasol si Mitchell kay ang iyang namat-an mao man ang Star Spangled Banner.
Akong sublion si Mitchell FIL-AM busa may dugong Filipino. Dili gani loyal sa Pilipinas unsa na kaha ang Amerikano nga atong gihugasan ang agtang ug bendeta aron lang mahimong Pinoy? Wa mo kyafi?
Atty. Baldomero Estenzo nia na. Malipay na ka aning balitaa. Ang akong higala nga si Atty. Estenzo usa sa mga ligdong nga tawo nga hugtanon gyud nga misupak anang Dughit... iste Douthit nga dili himoong naturalized apan usa ka tingog batok sa gatosan ka kamot sa Kongreso nga mipirma, siyakoy ang tingog ni Atty. Estenzo.
Sundan pa gyud ni Andray Blatche nga wala mopasar sa residency rule. Kinsa may nagpaka-uwaw sa atong nasud, si Blatche o ang mga CROCS-resista? Haskang paita. Di man dautan ang mangambisyon apan balaud gani unta dili nila angay lubagon.Susmaryosep... LAWMAKERS-LAWBREAKERS? Tsk, tsk tsk!!!
MISCELLANEOUS. Belated birthday greetings to ex-USC Warriors and one of the team's benefactors Nilo Velasquez of Subangdaku, Mandaue City last Saturday, September 27. All of his circle of friends were present including USC Green and Gold Warriors Alumni president and Bogo City Mayor Celestino E. Martinez Jr. who sung "Carmela" dedicated to Velasquez. Others who shared light moments that night were Atty. Baldomero Estenzo, Julian Macoy, Jun Alipi, Jun Gelbolingo, Bobby Barea, Raul Reyes and singers Ms. Alejo and Ms. Gelbolingo of the Colegio dela Inmaculada Concepcion Choir.
- Latest
