Julikan-2 misalida sa 4th Palarong Pambarangay
CEBU, Philippines - Human mabaraw sud sa pipila ka higayon tungod sa dautang panahon, sa katapusan, nakaduwa na gyud ang Julikan-2 ug ang Fatima Sons sa 4th Palarong Pambarangay Inter-Sitio basketball tournament niadtong Lunes sa gabii diha sa Telof Plaza basketball court sa Brgy. Subangdaku, dakbayan sa Mandaue.
Ang Julikan-2 nga gisuportahan nilang Julius ug Ric ‘Jecko’ Ruelan walay kukaluoy nga milubong sa Fatima Sons sa iskor nga 84-64 sa 40-above division.
Tanang lima ka players sa Julikan-2 nga gipasud sa first quarter pulos nakaiskor sa pagpangulo ni Cleo Abordo aron hatagan ang team og 26-15 nga bentaha paghuman sa unang 10 minutos sa duwa. Miburot pa ang labaw sa second quarter dihang misalida ang tandem nilang Ritchie Tecson ug Glen ‘Dodod’ Colina nga nagkumboya’g 17 puntos sa maong kuwarter alang sa Julikan-2 nga milansang og 45-29 sa halftime.
Ang playmaker nga si Tecson maoy topscorer sa Julikan-2 nga mirehistro’g 14 puntos, lakip na ang iyang “back-to-back” triples sa tunga-tungang bahin sa second period. Gisundan ni Colina pinaagi sa iyang 11 puntos ug Rammel Getigan nga adunay 10 puntos.
Nanginit unta silang Monching Menaling ug Elmer Ceniza sa third period alang sa Fatima Sons, apan wala mosalir ang ilang mga paningkamot tungod kay nagkalawom ang ilang lubong.
Sila si Ceniza, Glenn Ramirez ug Pitpit Anghay parehong miburak og 10 puntos alang sa napildeng Fatima Sons.
Sa pasiunang duwa, ang Upper Gothong yano sab kaayong milubong sa Nawanao Niños, 44-29 ubos sa juniors division.
Gipangulohan ni Ref Solon ang kadaugan sa iyang 10 puntos.
Ang 4th Palarong Pambarangay gipasiugdahan sa Subangdaku Barangay Council ubos sa liderato ni Brgy. Capt. Ernie Manatad.
Puntos matag usa
Unang duwa:
UPPER GOTHONG (44) – Solon 10, Pino 8, Ruete 6, Toledo 6, Intoy 4, Fick 4, Aninas 2, Solon 2.
NAWANAO (29) – Dinopol 7, Bartolome 6, Plazo 4, Pescadero 4, Invento 4, Montayre 2, Bacus 2.
Ikaduhang duwa:
JULIKAN-2 (84) – Tecson 14, Colina 11, Getigan 10, Abordo 8, Noel Mah 8, Anton 6, Fick 6, Plazo 6, Nelson Mah 4, Ontong 4, Flores 3, Gonzaga 2.
FATIMA SONS (64) – Ceniza 10, Ramirez 10, Anghay 10, Menaling 8, Repaja 8, Bacunawa 8, Ybañez 5, Gastardo 3, Lucion 2. (BANAT NEWS)
- Latest
