Mahimo ba nga i-donate sa kapuyo ang iyang property?

Dear Atty. Divine,

Duna ko’y pangutana labot sa townhouse nga napalit sa akong live-in partner. Minyo ang akong live-in partner apan nagbuwag sila sa iyang asawa sulod na sa 10 ka tuig, but wa ma-annul ang ilang kaminyuon.

Lima ka tuig na sab mi nga nag-live-in. Wa siya’y anak sa iyang first wife, ug wala sab mi anak sa akong live-in partner. Last year duna siya’y gipalit nga townhouse ug mao kini ang among gipuy-an karon.

Plano niya nga i-donate ang maong property ngari nako. Ang akong pangutana, kon mahimo ba nako nga i-transfer sa akong pangalan ang title sa maong townhouse? Daghang salamat. — Lea

Dear Lea,

Base sa atong balaod, void o dili valid ang donation nga himoon tali sa mga tawo nga guilty sa adultery, o concubinage at the time of donation.

Sa ato pa, void ang bisan unsang donation nga himoon sa imong live-in partner in your favor, tungod kay bisan tuod kon buwag siya sa iyang asawa, apan tungod kay wa ma-annul ang ilang kaminyuon, then makonsiderar gihapon siya nga minyo ug ang inyong relasyon maisip nga illicit affair.

Busa, ang bisan unsang donasyon nga iyang himoon nganha nimo, makonsiderar nga void. Base sa Article 739 sa atong Civil Code, ug tungod niini, mahimong questionable ang imong pag-transfer sa title sa maong property ngadto sa imong name. Thanks and God bless.- Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Doningo.