Tinuod, risky ba gyud?

Tinuod, samtang ang paghatag og reward sa kapolisan nga makapatay og kriminal makaikag sa mga police pagtuman sa ilang katungdanan paggukod sa mga malapason sa balaod.

Apan, gisaway kini tungod kay matud pa, adunay dakong kahigayonan nga kini abusohan.  What if kon suspetsado lang ug dili mao ang nakahimo og krimen?

Ang paghatag og ganti nga P50 mil ngadto sa polis nga makapatay, assuming nga namatud-an sa polis nga kriminal gayud ang gipatay, sama ra kuno kini nga naghatag kita’g gahum sa polis pag-determine kon kriminal ba gayud, guilty o dili ba, ang buot niyang patyon.        

Kuyaw… risky tuod kining maong paagi pagsumpo sa kriminalidad. Sama ra kuno kini nga naghatag kita’g license to kill ngadto sa mga polis.

Busa, gisugyot nga gikinahanglan pa og dugang pagtuon aron dili malapas ang tawhanong katungod ug mapatuman ang due process.

Hinuon, si Police Supt. Artemio Ricabo sa Cebu City Police Office, mi-welcome ning maong lakang ni Mayor Tomas Osmeña ug mipasalig nga dili kini abusohan sa kapolisan. Ang maong kantidad dako og ikatabang sa kapolisan, ilabi na niadtong mag-atubang og kaso sa korte, o sa Ombudsman kay maka-hire na sila’g kaugalingon nga abogado.

Matud ni Ricabo, ang kapolisan mosubay gyud sa balaod “in dealing with suspected criminals.” So, kon mao kini, wala diay angay’ng kabalak-an. In fairness sa atong kapolisan, I don’t think magtira pasagad lang pud ni sila aron maka-P50 mil.

* * *

“I am not your enemy.” Pamahayag ni Presidente Digong Duterte atubangan sa mga sakop sa Malacañang Press Corps.

Nindot kay kadtong gipanguyawan nga adunay mga sinuwat nga medyo nagsaway sa Duterte administration, maka-relax ug makaginhawa’g luag kay kon nasuko o nasilag pa siya sa taga-media, dili unta kuno siya mangimbitar kanila.

In the mood kaayo ang presidente. Mihalad siya’g daghang awit ngadto sa taga-media,  lakip na ang atong “Usahay” ug “Matud Nila.”

Bisan kon adversarial, tapus sa Christmas party, gipanghinaot nga magpadayon ang maayong relationship tali sa Malacañang ug sa media as a whole. Sa ato pa, dili kay sa Malacañang Press Corps lang.

Of course, dili kalikayan adunay mga disagreements, apan, normal kini sa tinguha sa media pagpangita ug pagpalutaw sa kamatuoran.

  “There’s always two sides of a coin—your truth, my truth and the public perception,” pamulong ni Duterte ngadto sa mga sakop sa media.

 Mao ni ang nakalisud kay usahay ang truth sa media, mahimo nga dili truth sa Malacañang.  Unsaon na lang!