Remedyo sa mga lungag sa nawong (2)

Maypa ang kulismauton og dagway nga ang nawong hamison nga way tatsa nindot pa tan-awon. Samtang sa artistahon og dagway apan sagabal sa nawong, ang mga nanagkong mga lungag, nga klaro kaayo maoy nakangil-ad sa panan-aw. Busa, sugdan nang maangkon pagbalik ang imong mga lungig nga mohamis.

Aron gyud nga mamintin ang kahamis sa nawong, buhion ang pino’ng balhibo sa mga lungig, nga iseguro dili kapuy-an sa mga dautang kagaw o bakterya. Ihusto ang balanseng natural nga paglimpyo ug natural nga paggamit sa ‘moisturizer’. Dili kay kausa o kaha basta ganahan lang, gikinahanglan gayud permi ni’ng buhaton.

Ania ang atong pipila ka natural nga paagi  o pambalay nga remedyo, nga nasulayan na, nga basin og mahimong epektibo usab kini sa imong kaugalingon.

* Sugdi, nga malimpyohan ang panit sa nawong, pinaagi sa paggamit og espesyal nga ‘natural cleansing gel or oil’. Ayaw gamit anang dunay sambog nga kemikals, alcohol ug asido, kay kini makadaut. Magtuob (steam)  sa nawong, nga paalisngawan nga gidugangan og pipila ka tulo (drops) sa ‘basil o rosemary oil.’ Hulata sulod sa 10-15mins, aron pag-epekto nga mogimok ang kapresko pamation.

* Ikaduha, ampingi nga inanayon sa pagtangtang ang daan nga panit, pinaagi sa pagnusnos gamit ang ‘face scrub’. Mahimo sab, maghimo’g kaugalingo’ng ‘face scrub’, nga asukar butangan og diyutay nga gatas, aron molaputay. Kining paagiha, maoy pagtangtang sa hugaw, patay’ng selyula sa panit, nga nakabara sa mga lungig (skin pores).

 * Ikatulo, ang paggamit og maayong ‘skin toner’ nga matakpan ang mga lungig, nga di kasuksokan sa kagaw o bakterya.

*Katapusan, magbutang og ‘light moisturizer’, kana’ng ‘waterbase’ nga mopamenus sa pagpagawas og lanahong tubig, gikan sa atong ‘oil gland.’