Mapugos ba ang illegitimate child paggamit sa apelyido sa papa?

Dear Atty. Divine,

Usa ko ka illegitimate nga anak sa pagkadalaga sa akong mama kay minyo na man siya karon. Ang akong papa wa gyud magsuporta nako ug wa gani ko makaila kaniya kaniadto.  Wa sab ko niya gi-acknowledge sa akong Birth Certificate. I am now 18, ug last month nakadawat ko’g message sa Facebook sa nagpaila nga akong amahan. Gusto siya nga makigkita nako ug i-acknowledge ko niya isip anak.

Nananghid ko sa akong mama ug misugot siya hinungdan nga nagkita mi sa akong papa last week, kuyog ang akong ig-agaw. Gi-confirm sa akong mama nga mao to ang akong amahan. Sa akong bahin, okay ra ko nga i-acknowledge sa akong papa, apan dili ko ganahan nga usbon ang akong apelyido ngadto sa iyang apelyido.

Naanad na ko sa apelyido sa akong mama kay mao na’y naa sa akong school records. Makapugos ba nako ang akong papa sa paggamit sa iyang apelyido, ilabi na kon iya nako nga i-acknowledge?  — Trina

Dear Trina,   

Base sa atong Family Code, ang illegitimate nga anak mahimo nga mogamit sa apelyido sa iyang papa kon kini gi-acknowledge. Mao sab kini ang nalatid sa RA 9255. Apan sa imo nga kaso wa ka gi-ackowledge kaniadto sa imong papa. Kon i-acknowledge ka na karon sa imong papa, wa sab kana magpasabot nga mahimo ka niya nga pugson sa paggamit sa iyang apelyido tungod kay ang RA 9255 nagkanayon nga “illegitimate children are permitted to use the surname of their father.”

Ang buot ipasabot niini nga option na sa anak kon mogamit ba siya sa apelyido sa papa, o dili. Ang Korte Suprema mismo sa ilang usa sa mga desisyon nagkanayon nga ang paggamit sa word nga ‘may’ nagpasabot nga dili mahimong pugson ang bata, kon dili, iya kining kabubut-on. So sa imo nga kaso, mahimo ka nga magpadayon paggamit sa apelyido sa imong mama nga maoy imong gigamit sa tanang school records. Thanks and God bless. —  Atty. Divine