Bisan kinsa ka pa man

Pagpamalandong sa Malangkubong kaayohan

Dili ikalimod nga dunay bias ang matag tawo ngadto sa ilang isigkaingon. Labi na kun ikaw ang maakusahan og di ka komedyahang kaso, labaw na kun di ka na makasulti agi’g pagpanalipod sa imong kaugalingon tungod kay patay ka na ug matag patay ang di na man makaasoy sa iyang kaugalingong sugilanon. Daghan ang mga tawo nga akong nakita ug nasinati panahon sa kalag-kalag. Dunay usa nga ako diay’ng friend sa Facebook ang nagkanayon: “Salamat sa imong mga hugot! Kay imong napagaan-gaanan ang akong samarang balatian.” Pasalamat kang Medyo Malidto kay siya ang original matud ko. Sa laing bahin nahimong dugokan ang imong pagsabot sa kalibutan. Human sa daghang kasinatian, the more nga napalig-on ko ang baruganan nga lumalabay ra gyud ang tanan. Dili paigo ang pagpunay lang og duaw sa lubnganan kon dili ang makanunayong pag-ampo alang sa mga nangamatay maoy mahinungdanon. Sa akong bahin, daw sa sakit kaayo ang pagyampungad sa lubong kun ang pag-ampo nimo nahimong taphaw lamang kaayo. Labaw na mag-unsa ang imong mga buwak kun niadtong buhi pa ang imong kabanay kasakit lamang ang imong nahatag. Apan lahi ang Dios kay bisan kinsa ka pa man, padayon ka niyang dawaton ug bisan mas itom pa sa alkitran ang imong tanlag mahimo kining iyang tin-awon pinaagi sa grasya.