Banat ( Leaderboard Top ), pagematch: 1, sectionmatch: 1

Brgy Subayon, Toledo City

“Nalipay na unta mi nga nahunong ang poultry diri sa among barangay human namo ireklamo sa Banat News, pero karon mibalik na man sab. Daghan na sab kaayo’g langaw diri sa among lugar, lisud kaayo inig tingkaon.”

Brgy Canjulao, Lapu-Lapu City

“Amo lang ireklamo ang mga opisyal namo sa senior citizens diri sa among barangay kay nagpa-raffle sila para sa mga tiguwang unya wala ihatag ang premyo sa nakadaog. Ang ngalan sa akong bana nabunotan pag-raffle pero wa ihatag kay wala siya motambong, pero naa man ko?”

Brgy Maslog, Danao City

“ Naunsa na man tawon kining AGWAS nga wala na ma’y klarong agas ang ilang tubig, pila na ka semana. Manghinaot kami nga magmata na ang mga opisyal namo sa barangay ug siyudad bahin niining among problema kay dugay na kaayo kaming nag-antos niini.”

Brgy Bolod, Panglao, Bohol

“Ireklamo namo ang usa ka pribadong beach resort diri sa among lugar kay wala man g’yud mohatag og minimum nga sweldo sa ilang mga trabahante. Naay mi-check diri nga taga DOLE pero giingnan man ang mga trabahante sa tag-iya nga dili mosulti sa tinuod namong sweldo.”

Brgy Mabolo, Cebu City

“ Kining Sitio Lahing-Lahing kay daghan pa gihapon ang namaligya’g shabu diri hangtud karon, pero wala man aksyoni sa mga polis.”

Brgy Kalunasan, Cebu City

“ Piniriso ko diri sa female dorm sa Cebu City jail ug luoy kaayo kami diri kay ang among pagkaon bati kaayo, mura na man og sinuka sa iro, unya naa’y mga basura diri nga wala kuhaa, baho kaayo.”

Brgy Maguikay, Mandaue City

“Ngano man intawon kining karsada sa Sudlon, duol sa Saint Louis College–Cebu nga bati na man kaayo ug wala man g’yud kini atimana. Wala man g’yud magpakabana ang mga opisyal namo sa barangay.”

Brgy Poblacion-Norte, Clarin, Bohol

“Kanus-a man intawon kini humanon ang pagtrabaho sa pantalan diri kay hasol kaayo sa mga mosakay sa motorbanca padulong sa Cebu kay lapok kaayo ang agianan. Hinaot nga madali kini’g trabaho kay makaapekto kini sa turismo sa atong lungsod.”

Brgy Catarman, Liloan, Cebu

“Grabe na kaayo ang trapik sa may Poblacion tungod kay hangtod karon wala pa man g’yud humana og trabaho ang bridge diri sa among lugar. Hasol kaayo sa ubang nanimuyo diri kay motuyok pag-Yati una pa mi kaadto  sa munisipyo kon magdala siya’g sakyanan.”

* * *

Alang sa inyong mga reklamo text lang sa 09083006702/09953598138

  • Follow Us: