Advocacy coalition gilusad
Gilusad sa Cebu City Police Office ang usa ka community-based advocacy support coalition kaniadtong
Septiyembre 20 didto sa Bondad Hall sa Central Command, Barangay Apas, Cebu City.
Ang coalition nga naporma kabahin kini sa gibarugan nga prinsipyo sa kapolisan nga ipadayon ang misyon ug
bisyon nga mawagtang ang suliran sa gidili nga drugas nga ilang gikonsiderar nga numero unong suliran sa nasud.
Ang advocacy coalition gilangkuban kini sa mga pangulo sa mga lokal nga kagamhanan sa dakbayan sa Sugbo
ug multi-sectoral force multipliers nga maoy nagsilbing haligi sa naghiusang grupo nga boluntaryong nagsuporta sa
balaod ug pagpreserbar sa kahapsay, pagtubag sa mga emerhensiya ug sa kampanya batok sa gidili nga drugas sa
kinatibuk-an.
Sakop sa advocacy coalition ang City Tukhang Advocacy Coalition (CTAC), City Coalition of Information
Technology Advocacies for Change (CCITAC), Anti-Crime and Community Emergency Response Team
(ACCERT), Association of Chiefs of the Philippines Inc., Affiliated NGO’s ug Foreign National Keeper Network
(FNKN).
Ang gilusad nga community -based advocacy support coalition giatol usab sa ikatulo nga Cebu City Police
Advisory Council Summit ako nanumpa isip bag-ong sakop sa Cebu City Police Advisory Council nga
gipangulohan ni Cebu City Councilor Joel Garganera.
* * *
Nakontrobersiyal karon ang mga polis sa Subangdaku Police Station sa dakbayan sa Mandaue human
mireklamo ang usa ka kawani sa Business Process Outsourcing (BPO) dihang girekisa siya sa mga polis atol
sa checkpoint ug gihulagway niya nga nilapas na sa iyang katungod.
Tungod niini ang rehiyonal nga buhatan sa kapolisan mimando og imbestigasyon samtang ang
Commission on Human Rights nanawagan sa liderato sa kapolisan sa dakbayan sa Mandaue pagtagad sa
reklamo nga pagkapkap sa lawas ug pagrekisa sa mga bag. Ang checkpoint gitugot sa balaod apan limitado
lang kini sa visual o pagtan-aw, kon wala’y search warrant. Busa wala’y labot niini ang pagrekisa ug
pagkapkap sa mga pasahero. Tingali, ang nireklamo adunay kahibawo sa balaod.
- Latest