Word salad
Kini ang usa sa mga sintomas niadtong nakasinati og Schizoprenia sa iyang kinabuhi. Dili masabtan ang iyang gipanulti ug kuyog niini mao ang pagkahimugso sa iyang kaugalingong kalibutan. Ang kalibutan nga nahimong hawa sa normal nga pagkinabuhi nga maoy gipuy-an sa kadaghanan. Sa laing bahin dili hingpit ang kalibutan nga tungod niini daghanan nato ang buot mo eskapo gikan sa mapait nga gapos sa pag-antos ug pagyubit. Apan alang nako mas labing mamahimong di masabtan ang larinong mga pulong nga puno sa kahulogan kun kini di mahimong hatagan og igong katumanan. Daghan sa mga tawo karon ang bakakon dili tungod kay gibati nila ang panginahanglan sa pagpamakak apan kay buot nilang mangita sa kahulogan nga di mahimong mahatag nila nga mas mopili sa kahagip-ot kay sa kahayahay.
- Latest