Mga benepisyo sa avocado (2)

* Makapatin-aw sa panan-aw — Kini kay nagbaton sab ni og sustansiya nga ‘lutein’ ug ‘zeaxanthin’, ang 2 ka kemikal sa tanom (phytochemicals) nga antioxidants nga manalipod ug mopahimsog sa mga mata, nga dili basta maapektohan sa kadaot sa silaw sa adlaw. Ang MUFAs (monounsaturated fats) o beta-carotene niini, mosanta o mopamenos sa risgo nga ma-develop ang ‘macular degeneration’, samtang magkaedad. Makapahimsog sab kini sa utok nga mopalantip sa memoriya kay halos 60% niini sa utok naglangkob sa ‘fat’, apan kadtong ampay nato nga ‘saturated fats’, makasakit kay mabara ang atong arteya.

* Palig-on sa kabukogan — Panagang aron dili masakit sa ‘osteoporosis’, nga katunga o 1ka hiwa sa avocado, naghatag na’g 25% , sa inadlaw nga panginahanglan sa vitamin-K. Nataligam-an nga usa sab ni’ng esensyal alang sa himsog nga kabukogan. Sagad naa ra kini nagpahipi sa calcium ug sa vitamin-D, apan ang igo’ng pagkonsumo sa vitamin-k, makuha na sa avocado nga pakusgon ang pagtuhop sa calcium sa kabukogan.

 * Proteksyon sa kanser — Ang kanunay’ng pagkaon sa ‘folate’ nga naa sa avocado, mosanta kini batok sa kanser. Apil na niini ang colon, pancreatic, stomach, ug cervical nga kanser. Gituohan maprotehian sab ang DNA ug RNA gikan sa dibisyon sa selyula, batok sa selyula’ng kanser.

 * Sa mga mabdos — Makapahimsog ni sa nagsabak maingon man sa gisabak niini, kay ang ‘folate’ sa avocado, importante kini aron dili makuhaan (miscarriage) o maahat og panganak (premature). Sa mga pagtuon, ang mabdos nga kulang sa ‘folate’, kalagmitan  depektoso o ‘freak’ ang ipanganak.

Tungod niini, iseguro nga kanunay ang avocado iapil nato sa diyeta.