Brgy Pooc, Talisay City
“Kining sa Sitio Tambis naa’y mga pusher ug user nga mag-abot diha hapit kada gabii kay gihimo man nila na nga hideout.”
Brgy Banilad, Cebu City
“Wala man g’yud panghiposa kining mga bata nga libudsuroy matag gabii nga magbahasbahas diha sa may taytayan. Naa man unta’y mag-roving nga mga tanod, pero ila ra man pasagdan, dili man sitahon.”
Brgy Poblacion, Daan-Bantayan, Cebu
“Naa lang ko’y reklamo bahin sa mga traffic enforcer diri sa among lungsod kay naa may pinili sa ilang dakpon. Kon ila gani nga kaila, ila ra man pasagdan pero kon dili gani, dakpon g’yud.”
Brgy Taytay, Danao City
“ Naa’y mga sakyanan niining usa ka construction company, labi na sa ilang mixer nga mag-agian diri sa among lugar gikan sa quary operations, kay magdala’g abog inig-agi.”
Brgy Ermita, Cebu City
“Naunsa na man intawon kining parking lot diri sa Carbon nga puwerte man kamahal sa singil, tag P20 man ang oras, pero lapok kaayo. Wala g’yud makapaaspalto nga unta dako na man sila’g kita.”
Brgy Subangdaku, Mandaue City
“ Hangyo lang unta kami sa mga polis nga ipasusi kining likud sa usa ka hardware kay naa’y namaligya diha og shabu nga gigamit ang mga bata, usahay iya pa nga pasuyopon.”
Brgy Yati, Liloan, Cebu
“Mas maayo unta og naa’y makasusi nga mga polis, o taga PDEA diri sa Sitio Kalubihan kay naa diha magpuyo ang usa ka mamaligya og shabu. Daghan kaayo kini siya’g mga runner ug informer para makaikyas kon naa’y mga polis.”
Brgy Pasol, Alcoy, Cebu
“Manghinaot kami nga makamata na ang mga opisyal namo sa barangay ug lungsod. Barado ang among kanal ug kon mag-uwan maglunop dayon unya ang tubig mosulod sa among mga balay.”
Brgy Ermita, Cebu City
“Ngano nga wala may mga polis nga mag-estambay sa dalan Magallanes nga daghan na man ang mga nabiktima sa snatching dihang dapita. Daghan na nga mga pasahero sa jeep ang nalabnihan sa cellphone ini’g agi diha.”
Brgy Media Once, Toledo City
“Naa lang ko’y isumbong bahin niining kusog kaayo nga hantak diri, hapit kada adlaw ug gabii. Wala may nakabadlong nila nga mga opisyal sa barangay ug polis.”
Brgy Linao, Minglanilla, Cebu
“ Asa na man ang mga polis diri sa among lungsod nga wala man makadakop niining managsuon nga mamaligya og shabu diri sa among lugar, ug sa silingan nga mga barangay. Imposible nga wa’y polis nga nakahibawo sa kalihukan niining managsuon?”
Alang sa inyong mga reklamo text lang sa 09083006702
- Latest
