Mastery sa iyang kinabuhi

Daghan ang buot mamahimong agawon mismo sa iyang kaugalingong kinabuhi. Daghanan nato ang buot mamahimong magbuot kanus-a ug sa unsang paagi ta mamatay. Nahinumdom nuon ko niadtong tinamod namo nga maestro sa kolehiyo. Niingon siya nga kun moabot na gani ang panahon nga siya magluya ug wa na gyud siyay mahimo pa mas maayo na lang kuno nga siya moinom na lang og hilo! Kay naanad man siya nga magdala sa iyang kaugalingon ug di siya buot nga dad-on siya sa uban. Apan bisan pa niining maong baruganan wa gihapon kitay katungod nga mokutlo sa atong kinabuhi ni sa kinabuhi sa uban kay after all kitang tanan mga piniyalan lamang.